Skip to content

Upgrading of BMC eyed to address hospital bed shortage

Ni Angel Fuertes-Gaviola

Busa

Naglaraw ang administrasyon Lagnada magtukod og bag-ong 200-bed capacity building sa Butuan Medical Center (BMC) isip solusyon sa nagtunhay bed shortage o problema’s kakulangan kwarto sa nasangpit ospital.

Segun ni Butuan Councilor Cherry Mae Busa, chair sa council committee on health and sanitation, gipangitaan na ni Mayor Ronnievic “RCL” Lagnada og pundo ang maong proyekto nga kabahin sa giplanong pag-upgrade mga facilidad sa gipanag-iya sa city government nga ospital.

“Na-ay idugang nga 200 bed capacity nga building pero sa karon nangita pa ta og access to finance kung kinsa, ang atong mayor grabe ka-busy pagpangita og access to finance para madugangan nato diha. Naa napud grant nga naay itukod diha nga out-patient department , grant kana sa DoH, ” sulti ni Busa sa pakighinabi sa Periodico.

Ingon ni Busa, dili malilong adunay dakong kakulangaon ang BMC og hospital rooms luyo sa mga gubaon katre, ug pasilidad nga “wala mahatagi pagtagad” sa nanglabay’ng administrasyon.

Sumala pa ni Busa, ang maong suliran, nga nasunod lamang sa bag-ong administrasyon, mabasol sa taas o pagdoble’s ihap patient admission nga dili haom sa takdang kapasidad sa ospital.

“Ang BMC is only 100 bed capacity, niya sa kadugay nga panahon wala man gud na natutokan gud. Karon 100 bed ra pero niabot na siya og 250 average per day,” asoy ni Busa.

“So just come to think of it pila ka pasyente diha ang nihigda. Madaot gyud og dali ang mga kuan bed.”

Sa pag-angkon ni Busa , wala pay pundong nakagahin sa budget lokal nga panggamhanan aron mapaayo man lang o kaha hingpit nga mailisan ang mga gubang katre.

“Wala pay gi-replenish or wala pa na-apil sa budget. May gani naay gi-donate sa DOH , medyo daghan-daghan man pud to,” dugang ni Busa .

Leave a Reply

Your email address will not be published. Required fields are marked *