Skip to content

Structural checks of all buildings in Butuan set

By Angel F. Gaviola

Surigao City has been placed Saturday under a state of calamity after the 6.7-magnitude earthquake killed at least eight people, injured more than 120 others, and destroyed infrastructure. PIA-Caraga

Maglusad og halapad nga inspection ang lokal nga panggamhanan pagpanguna sa Butuan City Engineering office aron ma-assess ang structural integrity and stability sa tanan pribado ug pang-gobernong dakbalay sa dakbayan.

Human sa devastation dala sa makusog linog mitay-og sa Surigao City ug kasigbit munisipyo, diin ubay-ubay imprastruktura ang nahugno, gusto ni Mayor Ronnievic “RCL” Lagnada maniguro rason ipasusi niini ang compliance liboan struktura sa building code, sumala ni Butuan City Government spokesperson Paolo Gogo.

“Ang mandate gyud ni mayor karon is to revisit our building code mao na siya ang priority,” sulti ni Gogo.

Saysay pa ni Gogo, tungod nasulod ang Butuan sa Mindanao segment sa Phippine fault line, gusto sa administrasyon nga striktohon ug e-require ang building administrators og owners himoon nang “earthquake resilient” ang bag-ong gambalay itukod, aron dunay kapasidad ug kaya unya makasugakod sa intensity 7 pataas nga linog.

“Tanan magpataod og building karon ang iyahang command is that intensity 7 pataas ang capacitated kay kuan ta eh , naa ta sa fault line,” ingon ni Gogo.

“Kay ingon si Mayor, if nahitabo tong 6.7 sa Butuan there are tendencies nga massive ang destruction dinhe. Wala man nuon ta’y 7 storey buildings dire pero even ing-ana siya fault line man gud ta so dapat earthquake resilient tana ang atong mga building.”

Lakip usab pagasusihon sa goberno, dugang ni Gogo, ang compliance negosyante, investor , gov’t officials ug lumolopyo sa comprehensive land use plan (CLUP) nga maoy guide asa ang lugar diin haom pagatukoran sa usa ka particular nga industriya, structure ug kaha opisina.

“At the same time, ang atong comprehensive land use plan kung asa na ang mga earthquake prone identified areas para ma-mitigate sila og ma-capacitate sila in terms of the big one nga mahitabo sa atong siyudad. Tapos naa pud tay assessment in terms of land use nga dapat dili magbalay ug magkuan og building dire nga lugara,” ingon sa opisyal.

Leave a Reply

Your email address will not be published. Required fields are marked *