Skip to content

Senior citizens nag-alburotos delay release pension; DSWD-Caraga ‘nanghunaw’

 

Todo hunaw ang buhatan sa Department of Social Welfare and Development (DSWD-Caraga) sa mitumaw’ng  problema bunga sa pagka-delay ug non-payment sa social pension mga indigent senior citizens sa rehiyon.

Segun ni Eunice Montaos-Plaza, spokesperson sa DSWD-Caraga, wala nagsumikad sa rehiyonal buhatan ang ugat nasangpit kakulian, diin liboan ka benepesaryo ang nagpa-abot  pagkadismaya luyo sa nasinatian pagka-delatar sa madawatan nilang binulang pension gikan sa goberno.

Ingon ni Plaza, nasabtan nila ang kasuko o kahigutgot mga benepesaryo, nga sulod sa tulo na kabulan wala pa makadawat sa P500 monthly cash aid  ubos sa DSWD Social Pension for Indigent Senior Citizens program.

Sa pagpasabot ni Plaza, gitumbok niini ang nag-unang rason nasangpit kakulian- ang kakulang sa budget gi-download gikan sa DWSD-Central Office para sa unang quarter ning tuiga.

“Aduna lamang kakulian sa Central Office sa pag-release sa budget, amo na kining gihimoan og remedyo,” sulti ni Plaza sa usa ka radio sa Butuan adlaw’ng Bernes.

Apan giklaro ni Plaza, dili tanan benepesaryo sa rehiyon ang apektado, kun dili ang mga pensionado lamang sa syudad sa Butuan, Cabadbaran, Bayugan, ug lain upat  ka lungsod sa rehiyon.

Pasalig  pa niini, walay binuang ug tarong nga gidumala sa ahensya ang binilyon pondo para sa maong programa luyo sa mga pagduda ug kabalaka sa publiko. Ni JD

Leave a Reply

Your email address will not be published. Required fields are marked *