Skip to content

Police declare 12 of 86 Butuan barangays ‘drug-cleared’

By Clyde Hikilan

Ang declaration 12 Butuan barangays isip “drug-cleared” tima-ilhan nagbunga og positibo ang war on drugs sa goberno. Contributed photo

Sa 86 barangays sa dakbayan, 12 niini gideklara na sa pinaka-unang higayon isip “drug-cleared” sa Butuan City Police Office (BCPO).

Segun ni PO2 Julius Avila, tigpamaba sa BCPO, subay sa 14 parameters gitakda sa Dangerous Drug Board (DDB), 12 ka barangays na sa Butuan ang makonsiderang “naka-comply” sa ingon nga resulta sa walay-poas nilang drug clearing operations inubanan sa lokal nga panggamhanan ug community stakeholders.

Ang drug-cleared barangays sa Butuan, sumala ni Avila, gilangkuban sa Kinamlutan, Pinamangculan, San Mateo, Tungao, Maibu, Don Francisco, Agao, Datu Silongan, Leon Kilat, Rajah Humabon, Sikatuna, Rajah Soliman ug Urduja.

“Kining 14 ka mga parameters gilatid sa Dangerous Drug Board (DDB) regulation kung usa niini aduna pa dili nato pwede ma declare as drug-cleared barangay. Pinaka importanti niini ang absence of drug users in the community,” sulti ni Avila.

“So kining 12 barangays wala na sila’y drug users ug pushers, walay clandestine laboratory, warehouse nga ga-imbak chemicals nga posibling mahimong sangkap sa illegal drugs, ug daghan pa lakip pa gani ang marijuana cultivation, ” dugang ni Avila.

Ang nasangpit declaration, ingon ni Avila, tima-ilhan matud pa nga nagbunga og positibo ang gihimong pagpaningkamut sa goberno pakgangon ang talamak nga illegal nga droga sa Butuan, diin halos tanan barangays matawag drug-affected.

Leave a Reply

Your email address will not be published. Required fields are marked *