Skip to content

‘Palit firecrackers sa Butuan murag kalag-kalag’

Ni Angel Fuertes-Gaviola

 

Gibasol sa mga negosyante ang murag “kalag-kalag” o hinay nga palit sa mga pabuto sa Butuan sa balik-balik nga anti-firecracker warning sa goberno ug gihingusgang plano e-ban na ang ingon.

Sumala ni Maranao Muslim Alan Imam, negosyante og pabuto sa may dalang J.C. Aquino, nga kumpara sa nanglabay’ng katuigan diin huror-hurot na iyang produkto sa dili pa moabot ang adlaw sa Pasko, hinay na gayud ang demand sa pabuto sa pagkakaron.

“Layo kaayo ang kalainan karon tungod kay sauna date of Dec.22 wala nay putol ang palit namo gikan sa buntag paingon sa hapon. Ang karon nga nahitabo Dec.24 lang mi sa hapon nakahalin,” sulti ni Imam.

Ingon ni Imam, wala’y duda nahimong epektibo ang pahimangno sa Department of Health ug Philippine National Police sa katawhan sa paglikay paggamit og pabuto tungod sa peligro ug posibleng disgrasyang madangatan.

“Usa na siya nga hinungdan nakaapekto ngano nga namingaw ang fireworks ug pabuto,” dugang pa niya.

Aminado si Imam, nag-atubang sa uncertain future ang industriya sa paboto, sanglit porsigido ang administrasyon Duterte ibawal ang pagpamaligya og pabuto sa entiro nasud.

“Wala mi mahimo ana kung i-ban na gyud totally next year ang pagpamaligya og mga pabuto . Wala mi mahimo ana kay mosunod man pud mi sa balaod,” matod ni Imam.

Una nang nag-abiso ang DOH sa katawhan Caraganon nga likayan gayud ang pagpabuto ug saluogon ang Bag-ong tuig nga malinawon ug layo sa disgrasya.

Leave a Reply

Your email address will not be published. Required fields are marked *