Skip to content

‘Overloading’ cargo trucks gibasol mga daot kalsada sa Caraga

Ni Janus Dumaplin

Pabiling dakong hagit sa DPWH- Caraga ang wala’y kasulbaran problema’s “overloading” nga sarang gitumbok sa buhatan nga nag-unang hinungdan sa daling nangadaot national highways sa entiro rehiyon . Contributed photo

Gibasol sa buhatan sa Department of Public Works and Highways (DPWH- Caraga) ang mga nangadaot na nga national highways sa rehiyon ngadtos “overloading” cargo trucks.

Segun ni DPWH Caraga director Danilo Versola, pabiling problema sa buhatan ang mga nag-overload trucks nga sarang maoy nag-unang hinungdan sa mga daot nga dalan sa entiro rehiyon.

Ingon ni Versola, gihimo na nila ang tanan sa pagsita’s ug pagpenalisar sa mga badlongon operators ug drivers subay sa gimando sa RA 8794 kon Anti Truck Overloading, apan nagpadayon gihapon ang maong suliran.

Aminado si Versola, nga dakong hagit kanila ang paghimo og mas durable ug baga nga kalada hilabina na gayod nga nagkadaghan na ang mga kompanya sa mina, planta sa kahoy ug mga plantasyon gipangtukod karon luyo sa maayong dagan sa enkonomiya’s rehiyon.

“Caraga’s economy revolves around agriculture, mining and agro-forestry which bulk of harvests and the hauling requires heavy trucks to transport the goods from the source to the market,” sulti ni Versola.

Leave a Reply

Your email address will not be published. Required fields are marked *