Skip to content

LEGAL CORNER: Special Power of Attorney: Aduna ba’y expiration period

Pipila ka mga pangutana nga masugatan nako, mapa email, facebook o personal nga consultation man, naga sentro gyud niining hisgutanan kung aduna ba’y expiration period ang usa ka Special Power of Attorney o SPA. Once and for all, atong tubagon kini.

A Special Power of Attorney, in simple terms, is a document that authorizes a person (agent) to represent the transactions and affairs of his principal. Kasagaran kini mahitabo sa baligyaanay og yuta.

Ang pangutana, aduna ba’y expiration period ang usa ka SPA?

Generally speaking, walay expiration period ang usa ka SPA unless kung aduna’y provision sa maong SPA nga kini mo expire sulod sa panahon nga nasabutan o ang principal na mismo ang mag revoke niini.

Kung ang SPA nag-ingon nga kini valid lamang sa sulod sa isa ka tuig, mawala ang bisa niini human sa usa ka tuig. Kung wala, padayon pa kini nga magamit. On the other hand, kung ang principal mopirma og usa ka dokumento nga mobawi (revoke) sa authority sa agent, usa usab kini nga rason nga mawala ang legalidad sa maong SPA.

Aside from that, a SPA is only valid during the lifetime of the principal. Kung ang principal mamatay na, automatic ma invalidate ang maong SPA.

So, balikon nako. Ang usa ka SPA valid ug legal unless kung:

1. Ang SPA nag-ingon nga aduna kini expiration period;

2. Ang principal mismo ang mo-revoke sa SPA ug

3. Ang principal mamatay na.

Editor’s Note: “Balaod Alang Sa Tanan, Dili Sa Pipila Lang” is a free legal advice column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte.  If you need answers to your legal queries, concerns and questions, send them to atty.oliver_bulang@yahoo.com.

Leave a Reply

Your email address will not be published. Required fields are marked *