Skip to content

Kamatay sa Caraga tungod war on drugs gitutokan sa NDF

Ni Angel Fuertes-Gaviola

Magpatoc: Kasagaran namatay sa “war on drugs” sa goberno mga pobreng drug users ug pushers lang.

Wala nalilong sa National Democratic Font of the Philippines (NDFP) ang wala-toong pagpamatay sa mga personalidad gi-alegahang lambigit sa ilegal nga drogas sa rehiyon Caraga.

Sa eksklusibong pakighinabi sa Periodico , gibutyag ni NDFP consultant Loida Magpatoc nga sa sinugdanan pa lang wala na matud pa snagpakahilom ang rebolusyonaryong kalihukan sa gitawag “war on drugs” ni President Duterte , ug gani gipa-abot nila ang ilang posisyon pagsupak sa ingon.

“Wala man nagpakahilom ang NDFP through sa proper channel gipa-abot gyud sa NDFP ngadto kang President Duterte kanang hisgotanan nga dapat mo-agi gyud og due process,” sulti ni Magpatoc.

“No definitely dili, pero dunay susama nga pagbarog nga kinahanglan sumpoon kanang ano sa droga pero sa saktong pamaagi. Sa pamaagi nga gihimo ni Pres. Duterte wala na gisuportahan sa NDFP.”

Ingon ni Magpatoc, ang mga nahitabong sunod-sunod nga kamatay sa nagkada-iyang mga lugar sa Caraga bunga sa maong kampanya, diin kasagaran biktima mga pobreng drug users ug pushers, usa ka “anti-poor ug anti-people.”

“Sa statement sa CPP ang iyang pagtan-aw anti-poor tapos sponsored na siya og EJK. Mas nagpatigbabaw na tong paglabag sa tawhanong katungod sa gisuspetsahan lang , pero namatay na wala nay kahigayonan para depensahan ilang kaugalingon,” sulti ni Magpatoc.

Sumala pa ni Magpatoc, nakatutok karon ang NDF, nga maoy political wing sa New People’s Army sa gipangkasang anti-drug operations sa goberno , taliwala sa “alarming” impormasyon daghang opisyal ug membros kapulisan sa Caraga ang involve sa droga ug ni isa niini wala pa’y nataral.

Pasigarbo pa sa rebeldeng lider, napamatud-an na sa kalihukan nga pwedeng magmalampuson ang pakig-gyera aron puhagon ang problema sa droga sa dili-madugoon pama-agi.

“Kung sa rebolusyonaryong kalihokan naa may sarili nga mga polisiya ug sistema sa hustisya, nagatratar man ang rebolusyon mahitungod sa droga sa kabalikanhan. Niadtong napamatud-an naay community arrest, ang uban ipaagi og warning, pagrehabilitate ug pag-edukar,” saysay ni Magpatoc.

Leave a Reply

Your email address will not be published. Required fields are marked *