Skip to content

Investigation agrarian beneficiaries ‘selling’ CLOAs to Surigao mine firms walay padulngan?

Ni Angel Fuertes-Gaviola ug Gab Dagohoy

From farmland to mining field.

Gi-angkon sa taas nga opisyal Department of Agrarian Reform (DAR-Surigao del Norte) naglisod ang buhatan sa pagdokumento ug pag-imbestiga sa gikatahong modus mga agrarian reform beneficiaries (ARBs) sa pagmaligya’s titulos yuta kon Certificate of Land Ownership Award (CLOA) ngadtos dagkong minahan sa probinsya.

“Maraming information na lumalabas pero yung nandun na kami ayaw nila magsabi parang tinatago nila. Although sa iba may nagsasabi na malaking pera, Yan yung delimma natin ,kasi mahirap magdocument na walang mag-cooperate,” saysay ni Jose T. Sebucao, provincial agrarian reform officer sa Surigao del Norte.

Ingon ni Sebucao, ang kawala’y kooperasyon dili lang sa mga ARBs , lakip na ang mga minahan gidudahan nilang sangkot sa anomalya, partikular na sa lungsod sa Placer, Tubod ug Sison, dako gayod problema para kanila.

Apan bisan sa maong kakulian, giklaro ni Sebucao, wala kini nakapa-diskurahi kanila, gani, mas nahagit pa daw sila nga utingkayon gayod ang nasangpit anomalya ug patubagon sa balaod ang mga partidong responsable sa ingon, , sanglit dakong bawal ang pagpamaligya sa CLOAs gihatag sa buhatan isip pribelihiyo mga mag-uuma ubos sa Comprehensive Agrarian Reform Law (CARP).

Una nang gi-report sa Periodico ang gika-ingon modus sa pipila ka ARBs sa probinsya nga gapangbaligya sa gi-award sa goberno kanila nga agricultural lands ngadtos mga minahan.

Base sa report, mokabat sa balor P700,000 ang palit sa mga kompanya matag ektarya luna sa yuta.

Sumala pa ni Caraga agrarian reform director Julita Ragandang, dakong bawal sa CARP ang ingon ug dapat gayod manubag ang mga ARBs mapamatud-an o masakpan mihimo sa hiwing binuhatan.

Usa ka halapad nga information drive na ang gikasa sa DAR tumong aghaton ang mga ARBs dili molambigit sa samang kalakaran sanglit dili kini ang nag-unang tumong ug tinguha sa balaod paghatag kanila sa pribelihiyo makapanag-iya og yuta, ingon ni Ragandang.

“Meron kaming information drive para sa kanila kasi parang one time lang itong malaking money na ma-receive nila kasi finally alam nating madedestroy din yung mga lupa nila kung continuous ang mining kasi they cannot do any agricultural activity in the area,” dugang ni Ragandang.

Leave a Reply

Your email address will not be published. Required fields are marked *