Skip to content

‘Inato’ nga pag-ihaw baboy, baka, etc. gibawal na sa Buenavista, AgNor

Ni Daisy Saraon

Na-agni ang mga opisyales sa Buenavista ipapasa ang kontrobersyal ordinansa aron masigurong presko, luwas ug hinlo ang karneng ginabligya sa merkado publiko sa lungsod. Skeptica

Pinasikad sa usa ka ordinansa, bawal na para sa tanan lumulopyo sa lungsod sa Buenavista, Agusan del Norte ang “inatong” pag-ihaw sa binuhing baboy,baka kanding ug kabaw.

Segun ni Buenavista municipal Councilor Nilo Bohol, malampusong nilang naipasa bag-ohay lang ang usa ka ordinansa nga target e-regular ang na-andan practice sa katawhan sa pag-ihaw og binuhing mananap diha lamang sa tungkaran sa panimalay ug dili sa government-accredited slaughter house.

“Ubos sa Ordinance No. 007-2016, ginadili na jud ang pag-ihaw sama sa baboy nga naa sulod sa ilang kaugalingong panimalay. Dapat didto na gyod sa slaughter house sa Baragay Malpoc,”asoy ni Bohol.

Ingon ni Bohol, nahuna-hunaan nila sa konseho ug ni Buenavista Mayor Norbert Pagaspas ang kamahingungdanon sa maong ordinansa , nga dunay ka-akibat penalidad ug multa , human nakadawat sila og makabubungog reklamo sa presensya’s nagkalat nga karneng ginatumod sa merkado nga wala mi-agi sa tukmang proseso ug sanitary inspection .

“Atong miaging tuig nay meriklamo nga mga kunsumador nga ang mga karne sa public market wala mi-agi og inspection niini. So among gipapasa ang ordinansa aron masiguro nga presko, luwas ug, hinlo ang mga karne sa merkado nga ginakonsuno sa katawahan diri sa Buenavista,” dugang ni Bohol.

Aminado si Bohol , daghay supak sa maong ordinansa , hilabina tong mga indibidwal nga nagnegosyo og karne nga nag-inato sa pag-ihaw sa ilang binuhi aron makatipid.

Wala daw dapat ikagool ang katawhan sa Buenavista , sumala pa ni Bohol, kay dili mahal og ana-a lamang sa P300 ang charge sa slaughter house gipanag-iya sa lungsod sa matag mananap ipa-ihaw .

Leave a Reply

Your email address will not be published. Required fields are marked *