Skip to content

Gov’t-run drug rehab center sa Caraga nameligrong ‘dili makalahutay’

Ni Angel Fuertes-Gaviola

Llesis

Nagpakitabang na ang nag-inusarang government-run Drug Treatment and Rehabilitation Center (TRC) sa rehiyon Caraga og tabang pinansyal ug donasyon aron makapadayon pa sa ilang operasyon.

Sa pagbutyag ni TRC chief Dr. Ma. Flordeliz Llesis, kulang kaayo ang subsidiya gihatag kanila sa Department of Health (DOH-Caraga) para sa pang-inadlaw’ng operation and maintenance sa 50-bed capacity rehabilitation center.

Ingon ni Llesis, tungod sa nagkadaghan ihap sa mga adik ilang gidangop ug gi-akomodar dili na igo ang tinuig nilang P4.6 milyon budget aron makalahutay pa pagpadagan sa maong rehab center.

“Naa may subsidy gikan sa DOH gyud , pero not enough for our number of clients kay gastos man sila kaayo. Right now P4.6 million annually gikan DOH national abi nimo og enough, pero dili,” asoy ni Llesis.

Sa kasamtangan , sumala ni Llesis, dunay 79 ka in-patients nagpuyo sa rcenter nga gipalawon sa 6 hangtud 10 ka bulan rehab treatment kon pagtambal.

“Dunay 79 residents sa TRC pero actually 50 bed capacity lang . So wala ani from the drug surrenderees ,” saysay ni Llesis.

Aron masegurong walay mamahimong aberya sa ilang operasyon, mihangyo si Llesis sa nasundong pang-goberno nga tan-awon ang ilang sitwasyon ug pun-an ang ilang pondo.

Naglaraw usab ang TRC nga mangayo og mga donasyon gikan sa nagkadaiyang lokal nga panggamhanan sa rehiyon ug pribadong institusyon.

“Mangayo mi og donation from LGUs because you can also ask from them kay part mana sa cost sharing they should provide money or funds for their clients . Gikan sa ilaha mohatag gyud sila dapat and also from the parents kana ang cost sharing,” dugang ni Llesis.

Leave a Reply

Your email address will not be published. Required fields are marked *