Skip to content

Gitukod P17.8-M Butuan’s evacuation center wala napahismuslan ‘bakwit’

Ni Angel Fuertes-Gaviola

 

Wala napahismuslan sa liboan Butuanons biktima sa bag-ohay lang mga pagbaha ang gitukod sa lokal nga panggamhanan nga P17.8 milyon permanent evacuation center nahimutang sa may Barangay Bancasi.

Sumala ni Paolo Gogo, tigpamaba sa Butuan City Government, tungod sa “kakulian”, wala nagamit sa katawhan ang 2,000 bed capacity 2-storey evacuation center gi-konstruct sa panahon ni Mayor Ferdinand Amante, Jr.

Base sa datos, moabot sa 1,207 ka pamilya o 5,258 indibidwal gikan sa 13 ka barangay ang nanghikling ug temporaryong nakisilong nagkadaiyang tunghaan ug covered courts sa dakbayan bunga sa taas tubig baha tungod sa walay puas nga ulan hatod ni Bagyong Auring nakalabay’ng mga adlaw.

Segun ni Gogo, wala girekomendsa sa Butuan City Disaster Risk Reduction Management Office nga ibalay ang mga bakwit sa nasangpit center tungod sa isyu’s kakulangon mga pasilidad ug sa kahadlok “basin mas mapagrabi na hinuon ang sitwasyon” sa ingon.

Sa gihimong assessment, ingon ni Gogo, nakita-an nila og problema ang maong evacuation center sa natad sa ventilation, suplay sa tubig, comfort room ug uban pang pasilidad krusyal nga gikinahanglan mga bakwit.

Sumala pa ni Gogo, ang nasangpit center nga intended para sa mga mamahimong evacuees sa dakbayan, usa sa pipila ka gi-alegahang mga anomalosong proyekto sa kanhi administrasyon nga gipa-imbestigahan sa Commission on Audit ni Butuan Mayor RonnieVic “RCL” Lagnada.

“Naa sad mga kakulian, under investigation siya kay naa sad mga facilities nga wala nila na-augment base didto gid sa requirement nga kinahanglan sa usa ka evacuation center. In terms of amenities, medyo kulang gyud siya totally ang building ra gyud ang ilang na-provide,” sulti ni Gogo.

“First and foremost kadtong ilang ventilation dili proper init gyud siya, ang ilahang CR communal tapos ang water resources pud wala didto naay faucet pero walay tubig. Ug naay mga issues regarding sa capacity, ingon sila 2000 pero sa assessment 200 ra,” dugang ni Gogo.

Haom unta ang lokasyon o gikabutangan sa maong dakbalay para sa temporaryong kabutangan ug masilongan sa mga Butuanon mabiktimas baha ug kalamidad , apan nagumon lang kini sa kontrobersiya, ingon ni Gogo.

“In terms of evacuation center mao ni ang atong last resort, mapugos gyud ta pabalhin didto sa ila, pero nindot gyud ang location elevated siya, good for flood victims,” asoy ni Gogo.

Dugang pa ni Gogo, paningkamotan sa administrasyon Lagnada nga mapangitaan og medyos ug solusyon ang gisagubang problema sa maong center nga gigastohan minilyon gikan sa kaban sa katawhan aron hingpit na kining mapahismuslan.

Leave a Reply

Your email address will not be published. Required fields are marked *