Skip to content

Gatosan magtutunghang lumad sa Agusan nakadawat gamit pang-eskwela

 

Dili matungkad ang kalipay nga gibati sa mga kabatan-onan Mamanwa ug Manobo human nakadawat og gamit pang-eskwela nga gitunol sa SR Metals, Incorporated sa Santiago, Agusan del Norte.

“Bisan naa ra sa Tubay ang operasyon sa SRMI, gipangga gihapon mi nila. Dako gayud ang among pasalamat.”

Kini ang pamahayag ni Chona Tiambong, usa sa mga kabatan-onan sa tribung Mamanwa human midawat sa gamit pang-eskwela nga gitunol sa SR Metals, Incorporated adlaw’ng Martes, Mayo 30, 2017 sa Barangay Curva, Santiago, Agusan del Norte.

Mikabat sa 256 ka mga elementary ug 73 ka mga sekundaryang magtutungha nga miyembro sa tribong Mamanwa ug Manobo sa Barangay Jagupit, San Isidro ug Curva sakop sa maong lungsod.

Pamahayag ni Janito Curob, tribal leader sa tribung Mamanwa, nga dili lalim ang pagpatungha og mga kabataan, ilabina nga daghan ang miyembro niin inga adunay mga anak nga sobra sa lima.

Busa, dili gayud nila malimtan ang dakong tabang sa kompanyang SRMI sa maong pahigayon.

Sa laing bahin, mapasalamaton usab ang maong hugpong sa pagpahibalo sa maong kompanya nga adunay 54 ka mga sekundaryang lumad ang nakapasar sa gipahigayong “Scholarship Examination” sa imaging semana.

Ang maong mga giilang iskolar sa sekundarya makatagamtam kini og libre nga tuition ug miscellaneous fees diha sa ilang pagtungha ubos sa Social Development and Management Program. Ni JD

Leave a Reply

Your email address will not be published. Required fields are marked *