Skip to content

Caraga transport group miangal sunod-sunod oil price hike

Ni Angel Fuertes-Gaviola

Ang problemang sa walay poas pag-usbaw presyohan sa lana kaya matuldokan kon gustohan lang daw sa nasundong goberno, sumala sa PISTON-Caraga. Skeptica

Mi-angal na ang transport sector sa sunod-sunod nga “big time” oil price hike nga gipatuman sa rehiyon Caraga.

Segun ni Isais Geñorga, tigpamaba sa PISTON-Caraga, usa matod pa ka dakong insulto alang kanila ang walay poas nga usbaw presyo sa lana luyo sa gabalik-balik nga pangrason sa oil firms “paglihok sa presyo sa pangkalibotanhong merkado.”

“Problema karon sa transport sector nga kung atong tan-awon una niini kining padayon nga pagsige og saka karon sa gasolina unya kung mag-increase raba dinagko sama karon sa sunod-sunod nga big time increase nga tag kapin P1 unya gikumplementohan nila og 20 centavos pag-rollback,” asoy ni Geñorga.

Sumala ni Geñorga, walay duda kanila nga ang maong usbaw bunga’s pagmani-ubra sa mga “nag-monopolyo” sa lana ug daw walay kalabutan ang lihok sa presyohan sa merkado.

“Kini karon nga wala naman gubat sa Middle East nganong ingon-ana man gihapon sige man gihapon nila og increase . Sa ato pa dili kini siya katuohan makita nato ba nga adunay monopolyo klaro ug tin-aw nga monopolyo diha sa hisgotana sa crude oil,” dugang ni Geñorga.

Aron matuldokan na ang gabalik-balik nga suliran sa transport sektor ug publiko, walay lain medyos nakita ang PISTON-Caraga kun dili ang gidusong Comprehensive Agreement on Social and Economic Reforms (CASER) nga kasamtangan gihisgutanan karong peace talks sa goberno ug National Democratic Front of the Philippines.

“Kaning CASER sa ato pa kung kini mapirmahan dako ang posibilidad niini nga ang crude oil ma-nationalize kay mao nay ginasinggit nato nga kinahanglan i-nationalise ang crude oil kay pananglitan kanang malampaya kinsa may nagkuan diha langyaw man. Kung ato na diay na kung ang tawo na ang manag-iya ubos sa pagdumala sa goberno dako kaayo ni og matabang sa katawhang Pilipino,” sulti ni Geñorga.

Leave a Reply

Your email address will not be published. Required fields are marked *