Skip to content

Caraga health director confirms some donated blood units found HIV-positive

By Angel F. Gaviola

Llacuna: Nagtuo mi blood donors wala kahibalo nataptan na og HIV. Contributed photo

Gikumpirma ni Caraga health director Jose Llacuna Jr., nga duna napod dugo gidonar sa goberno ang nag-positive sa human immunodeficiency virus kon HIV.

Nadiskobrehan ang HIV-positive donated blood units bag-ohay lang human ang gihimong tests pagmonitor sa safety sa mga gidonar nga dugo sa rehiyon Caraga, ingon ni Llacuna.

Nagtuo si Llacuna nga ang mga nasangpit blood donors wala masayod “reactive” o nataptan na og HIV, rason boluntaryo gihapon kining midonor og dugo alang adtong nagkinahanglan.

“Na-worry lang sad mi bag-o kay daghan ang naghatag, naay mga voluntary blood donors unya na-reactive ang ilang dugo. Nagtuo mi nga kani sila wala kahibaw gani kay nganong naghatag man og dugo. So, this is one way also of following those who had reactive,” sulti ni Llacuna.

Giklaro ni Llacuna, ang HIV-positive blood units wala gidisposar ug gi-refer nila sa Research Institute for Tropical Medicine (RITM) sa kaulohan alang sa confirmation sa ingon mapanubayan ug maabisohan ang donor sa maong resulta ug malikayan ang pagkuyanap sa makamatay’ng sakit.

Base sa pinaka-ulahing monitoring sa DOH-Caraga, dunay 14 ka bag-ong HIV cases ang natala bulan sa Disyembre, 2016, diin sulod sa maong tuig misumada ngadtos 95 ang nagkasakit Caraganon nga taas kumpara sa 2015 nga duna lamang 86 recorded cases .

Sa kinatibuk-an, sukad tuig 1995 hangtod December 2016, moabot na sa 335 HIV cases ang natala sa tibook Caraga , diin dunay pinakadaghan ihap natakdang sa maong sakit ang Butuan 122; Surigao del Sur 64; ug Agusan del Sur 60.

“January to December 2016 cases dunay 95 which is 10.5 percent higher compared to the same period last year with 86. Amo nakita sa resulta kasagaran sa naay HIV are males having sex with male,” saysay ni Llacuna.

Subay niini, gihangyo ni Llacuna ang mga sexually active indibidwal magpa-examine aron masayran ang kahimtang, sanglit tanan impormasyon makuha gikan sa mga magpositibo ikonsiderang strictly confidential.

“And I like to assure, that there is confidentiality of their information given. So, open ta magpa-examine mo and we are receiving more examination,” asoy ni Llacuna.

“Atong i-emphasize sa ilaha nga dili na angay ikauwaw tungod kay there is confidence of information nga makuha namo. We are obliged to get that confidential information, ang uban makahadlok nga masayran sa uban but at the rate that we are reaching out nakita namo nga nag-anam kadaghan ang nagpa-examine and we are very happy of that kay nakuha nila ang among pag-assure sa ila nga dili man ta magdiscriminate sa ila,” dugang pa sa director.

Leave a Reply

Your email address will not be published. Required fields are marked *