Skip to content

Butuanons, dili anad sa Jaywalking

Kasikas ug Bul-og

Ni Blas Indong

Mao ni obserbasyon sa pipila kay wala kuno gamita kay bisan asa sila motabok sa ilang gusto.

Duha lang ang posible’ng rason niini. Wala maanad ang madlang pepol o ignoy lang gyud. Kasagaran mga tigulang ug mga istudyante “makalimot” ug walay pakialam nga gihimo ni alang sa ilang kaayohan.

Pero disiplina pud lagi ang isyu niini. Mga Butuanon, aduna ba?

Aduna pud siguro oi. Hatagan lang og gamay’ng panahon kay wala pa siguro ka-adjust. Ang nakaanindot kay ‘dunay mga traffic enforcers o police nga nagpa-himangno sa mga mananabok.

Kini nga mga traffic enforcers ug police  respectful ug polite. Usa ka tahas nga angay ipasigarbo sa mga Butuanon.

Pero sa laing bahin, ‘dunay pipila ka mga jeepney drivers ug pribadong sakyanan nga ignorante sa Jaywalk ug wala sab hatagi nila og bili. Nganong gipa-drive man ni sila?¬† Mas maayo pa’ng mananom sila og kamote o manginhas. Angay ni sila ipa-tokhang ni Digong.

Unta pud kitang mag-suroysuroy sa siyudad, makabalo ta mosunod ug morespeto sa balaod. Dili magpataka’g tabok bisan asa kay dili na baya baryo ning Butuan.

Dako-dakong siyudad na baya ug baga na ang traffic. Kinahanglan na gyud ang disiplina.

Naa po’y moingon nga kapoy kuno mosaka sa overpass dapit sa Urios ug Robinsons kay sobra ka taas. Taas ba intawon nga kamubo ra niana.

Kung ing-ini ang mentalidad ug katapolan, ug kung maligsan kay motabok bisan asa, mao ni ang angay masulti: mirisi nimo!

Leave a Reply

Your email address will not be published. Required fields are marked *