Skip to content

Butuan City Fire Station fire hazard, unfit for occupancy?

By Clyde Hikilan

Dekada 60’s pa napabarog ang Butuan City Fire Station River nga nahimutang sa Barangay Sikatuna. Skeptica.

Dili fire hazard, karaan lang ang building.

Dili sumitido ang opisyal sa Bureau of Fire Protection Office-Butuan sa obserbasyon sa publiko nga mismo opisina sa goberno tigpatuman sa fire safety code ug tig-inspections tanan buildings ug facilities sa dakbayan makonsidera nga fire hazard ug unfit for occupancy.

Segun ni Senior Fire Officer 4 Rodrigo Canton, oic, Butuan City Fire Marshall, nga bisan pa og gama lang sa light materials ang ilang opisina, dili kini matawag nga fire risk, ug gani fit o safe pa for occupancy.

Ingon ni Canton, sukad nga gipabarog ang city fire station niadtong dekada 60’s, wala gayod kini nakasinati og hulga sa sunog , gawas nalang sa baha, tungod anaa kini sa “danger zone” kilid sa Agusan River sa may Barangay Sikatuna.

“Dili na siya fire hazard. Ang building naay kaugalingong fire trucks ug 24-hours personnel nga naka monitor sa stasyon. Karaan lang gyud,” saysay ni Canton.

Butyag pa ni Canton, naka-ong-ong na sa pagkakaron ang katukoran sa gidamgo nilang bag-ong opisina nga nindot, moderno ug layo sa peligro baha.

Gihulat nalang sa buhatan ang resolusyon sa lokal nga konseho aron hingpit nang ma-award kanila ang gi-donar nga 1000 square meters lote nga tukoran sa bag-ong bomberohan, tupad sa South Market sa may Barangay Villa Kananga, sumala sa opisyal.

Ang maong modernong building gigahinan sa nasudnong panggamhan og P11 milyones.

Leave a Reply

Your email address will not be published. Required fields are marked *