Skip to content

Brigada Eskwela gisuportahan sa SR Metals

Sa dakong panglantaw sa kompanyang SR Metals, Incorporated sa Tubay, Agusan del Norte nga mapausbaw ang kalidad sa edukasyon sa kabataan, pag-improbar sa mga tulunghaan sa mga kasikbit niining mga barangay ang gihatagan og pagtagad pinaagi sa paghatag ug mga nagkadaiyang materyales nga gamiton atol sa Brigada Eskwela 2017 kaniadtong Mayo 15-20, 2017.

Sumala ni G. Egbert Miron, ang OIC principal sa Tubay Central Elementary School nga sugod pagsagop sa maong tulunghaan ubos sa “Adopt-A-School Program” sa Social Development and Management Program (SDMP) sa kompanya tuig 2009 hangtod karun, gihimo na ang pagsuporta sa maong kompanya diha sa mga tulunghaan sa lungsod.

“Paghatag og mga materyales pag-ayo sa mga gubang classrooms, bisan gani pagtukod og bag-ong mga lawak ug uban pang pasilidad, ila kining gihimo, aduna pa gyud pagpang-apod apod og school supplies sa mga kabataan”, saysay ni Miron.

Ang natinong mga program ang gipahamtang sa mga eskwelahan pinasikad sa gihimong kokabildo diin gi-sugyot sa mga school heads ang mga nag-unang panginahanglanon sa ilang tagsa-tagsa ka tunghaan.
Ang mga naasoy’ng eskwelahan diin gitunolan sa mga materyales alang sa pagpahamtang sa ilang gisugyot nga mga proyekto mao ang mosunod:

Gilauman nga mahuman ang maong mga proyekto sai kaduhang kwarter niing tuig diin mamahimo na kining magamit ug mapuslan sa mga magtutungha sa maong mga tulunghaan.

Sa laing bahin, gikatakda usab nga maapod-apod ang mga gamit pang-eskwela o school supplies sa umaabot nga pag-abli sa klase sa bulan sa Hunyo ngadto sa mga nagkadaiyang elementary ang tulunghaan sakop sa lungsod.

“Our thanks and gratitude to the company for their unending support because we cannot do it all alone, we really need partnership from SRMI, ” pasalamat na lamang ni G. John Kenneth Gesta, OIC sa La Fraternidad Elementary School. Ni JD

Leave a Reply

Your email address will not be published. Required fields are marked *