Skip to content

BCWD’s ‘world-class’ management system gipasidunggan sa ISO

Ni Angel Fuertes-Gaviola

Barquin

Usa ang Butuan City Water District (BCWD) sa mga piling water utilities sa entiro nasud nga nakadawat og recognition gikan sa International Organization For Standardization kon (ISO).

Sumala ni Ramil Barquin, tigpamaba sa BCWD, usa ang ilang buhatan sa 5 lang ka water districts sa entiro nasud adunay “world-class” Management System nga ge-rekognisa sa Government Quality Management Committee (GQMC)sa ISO bag-ohay lang.

Ingon ni Barquin, nakita sa mga representante sa GQMC-ISO nga pasado ang BCWD base sa gikantar guidelines ug sukdanan sa ISO 9001:2008 (Quality Management System ) kon dekalidad sistema sa pagdumala sa core services, management ug support processes.

Bugtong ang BCWD lang ang water utility gikan sa Isla sa Mindanao nga nakadawat sa maong talagsaon recognition sa halos 800 water districts sa nasud, butyag ni Barquin.

Ingon ni Barquin, personal nga gidawat nila BCWD General Manager Anselmo Sangtian ug director Crispin Young ang maong award atol sa gihimong recognition ceremony sa kaloohan Manila.

Apan giklaro ni Barquin, wala’y labot sa nadawat nilang recognition o pagka ISO-certified sa management system sa BCWD, ang klase sa serbisyo ug kalidad sa tubig, nga sentro sa wala to-ong mulo og reklamo sa liboan water concessionaires sa Butuan.

“Ang ISO dili gatan-aw sa atong gina-serve nga water. It’s more on the system pag-operate , dili sa product mismo. Gi-unsa pagpadagan sa office, example sa records standards nga gisunod, sa pag-conduct og activities ang mga procedures atong gina-follow,” asoy ni Barquin.

Ang ISO usa ka voluntary ug non-treaty federation sa gitawag standards setting bodies gikan sa 130 nasud sa kalibutan diin lakip membro ang Pilipinas.

Leave a Reply

Your email address will not be published. Required fields are marked *