Skip to content

BCWD misses April 1 target for water project launching

By Angel F. Gaviola

Ang P565-M water project nga nalumon sa kontrobersiya gipasigarbo sa BCWD nga maoy nag-inusarang solusyon sa abnormal suplay tubig sa Butuan. Contributed photo

Wala mahinayon ang gipasalig launching para sa actual operation sa P565-M Public-Private Partnership (PPP) water project sa Butuan City Water District (BCWD) ug pribadong Bulk water supplier , Taquibo Aquatic Solutions Corp. (TASC).

“Wala pa tay nadawat nga formal communication gikan sa TASC kung kanus-a gyud kay kadtong April 1 tana mao man to ilang target unta,” sulti ni BCWD spokesperson Ramil Barquin.

Base sa iyang impormason, ingon ni Barquin, duna pay dugang equipments ug devices nga gikinahanglan ihan-ay sa ilang kakontratang water supplier rason pakyas mahinayon ang gi-target launching date niadtong April 1, nga e-dungan unta sa ika-43 anibersaryo sa BCWD.

“Wala napod nadayon ang gitarget petsa tungod kay murag naa pa silay e-plastar sa equipments, but we will keep you updated if naa nay announcement ang TASC,” dugang ni Barquin.

Bulan sa Pebrero, gi-anunsyo sa BCWD sa publiko nga matagamtaman na gayod sa liboan water concessionaires sa Butuan ang malahutayon supplay sa tubig sugod sa maong petsa sanglit magfully-operate na ang TASC human sa pipila ka postponement ug pagkadelatar tungod mga kakulian technical ug legal.

Gisugdan tuig 2013, ang P565-M water project nga nalumon sa kontrobersiya gipasigarbo sa BCWD nga nag-inusarang solusyon sa nasinatian water crisis sa dakbayan.

Sa iyang bahin, gipadayag ni Butuan Mayor Ronnievic “RCL” Lagnada ug TASC president nga gitugyan na sa kompanya ngadtos BCWD officials ang pag-anunsyo sa publiko kalambigitan dagan ug development sa proyekto.

“Kaning dugay na nato nga problema sa tubig pero nasulbad na gyud, na tap na ang pipeline mao tong nawad-an daw og 2 ka adlaw nga tubig so nagtesting sila for 1 week . Siguro, sa April basin i-announce na sa BCWD, dili nalang nako pangunahan siguro sila kung unsay nakuan nila karon,” asoy ni Lagnada sa pakighinabi sa taga-media bag-ohay lang.

Pasalig pa ni Lagnada sa mga Butuanon konsumador, dekalidad ug supesyente tubig ang garantisadong ma-suplay sa kompanya nga migamit og high-tech equipments ug advanced water treatment devices gikan pa sa mga langyaw nasud.

“Well, I think supisyente na siguro basin pa mohuwaw o mo-ulan diha matestingan na gyud na nga pasilidad kay nadunggan nako it’s a German-Japanese ug Korean-Taiwanese nga technologies maoy gi-combine na siya,” sulti ni Lagnada.

Leave a Reply

Your email address will not be published. Required fields are marked *