Skip to content

Bag-ong pasilidad pang-eskwela pormal gitunol sa SRMI


Atol sa gipahigayong Nutrition Month Culmination, gipahigayon sa SR Metals, Incorporated (SRMI) ang pagtunol sa bag-ong pasilidad mao ang School’s Mini Gymnasium niadtong Agusto 4, 2017 sa Beto Elementary School, Barangay Poblacion Dos, Tubay, Agusan del Norte.

Gisugdan sa pagtukod ang maong pasilidad bulan sa Mayo ug nahuman kini sa bulan sa Hulyo sa kasamtangan tuig.

Gi-aprobahan ang maong proyekto sanglit nakit-an sa kompanyang SRMI ang panginahanglanon niini diin walay kasamtangang pasilidad nga pagahigayonan sa mga programa ang tunghaan.

Sumala ni Corazon M. Bucong, ang school head sa Beto Elementary School, dugay na nilang gipangandoy nga makabaton sa maong pasilidad tungod kay layo ang distansya sa tunghaan ngadto sa Barangay gymnasium.

“Lisod kaayo og walay gymnasium kay bisan asa na lang mi mag-programa diha sa ilawom sa kahoy,” saysay ni Bucong.

Pormal nga gitunol ni Julious Rey Donque, IEC officer sa SRMI ug malipayong gidawat kini ni Bucong diin gitambungan usab ni DepED district supervisor Florante More, Tubay Bise Mayor Racquim Cuyos, barangay officials, mga residente ug magtutungha.

“Gipahamtang kini sa kompanya tungod sa gugma, tungod kay aduna sila’y corporate social responsibility,” sulti ni supervisor More atol sa maong okasyon. Ni JD

Leave a Reply

Your email address will not be published. Required fields are marked *