Skip to content

At large kapitan sa Butuan gitakdang pulihan

By Angel F. Gaviola

Imam

Pagahulipan sa iyang posisyon ang at large New Society Village Barangay Captain Marco Imam kun kini padayon magtago-tago ug dili mo-report aron dili mabalda ang batakang serbisyo ug programa sa goberno sa nasangpit barangay.

Segun ni Butuan Councilor John Gil Unay, Sr., chair sa council committee on good government, daku kaayo og kaakohan ug papel ang usa ka kapitan rason dili pwede mabalda ang serbisyo ug programa’s goberno tungod lamang sa kawalay presensya’s amahan sa barangay.

“Kung dili gyud mopakita so upat ka beses successive si kapitan Imam. Anybody from the barangay council can move for the declaration of vacancy, that is permanent vacancy and then they will ask the Office of the City DILG and city mayor nga mag-oath taking na ang mopuli sa kapitan aron magpadayon ang pagpadagan sa council,” saysay ni Unay.

Ingon ni Unay, mamahimong mo-succeed kang Imam ang elected first councilor sa barangay nga maoy magpadayon nabiyaang kaakohan ug resposibilidad sa opisina sa kapitan.

Moduha na ka semanang target sa manhunt operation sa hini-usang pwersa sa Philippine Drug Enforcement Agency ug Butuan City Police Office ang controversial kapitan human kini nakasibat sa dihang girondas otoridad ang panimalay sa opisyal niadtong Marso 2.

Sa alegasyon ni PDEA Caraga director Gilbert Buenafe, ang Maranao nga kapitan usa daw sa mga gimanmanan nilang High Value Drug Targets (HVT) sa dakbayan nga matud pa nagkontrol sa patigayon sa shabu sa maong barangay.

Luyo sa maong akusasyon, gi-angkon ni Councilor Unay maglisod ang lokal nga konseho nga pahamtungan og administrative sanction ang mikagiw kapitan tungod sa kawalay opisyal nga reklamo gipasaka kanila.

“Kung adunay mga personahe or mga elemento sa PDEA nga mag-raise sa isyu sa administrative aspect sa liability ni Kapitan Imam sa iyang pag-ikyas sa kadtong operation malamang pwede na siya nga ma-charge dinhe sa SP kung ganahan ang complainant nga mo-raise,” sulti ni Unay.

“As far as we are concern, Imam is presumed innocent, kung dili mopasaka og administrative complaint ang PDEA dili sab namo aksyonan,” dugang ni Unay.

Apan giklaro ni Unay, abre sila sa konseho nga maglusad og kaugalingon pagtuki sa mga alegasyon gihapak batok sa kapitan.

“So, although on its own the SP can conduct an investigation but in this case sa rules of procedure namo dili na siya ginapractice. Open man ang SP pag-conduct og investigation aning allegation batok niya pero allegation paman ni. Ang PDEA kung ganahan sila magfile admin case ipasa nila dinhe sa SP ang verified complaint, ” asoy ni Unay.

Leave a Reply

Your email address will not be published. Required fields are marked *