Skip to content

1M Caraganons apektados backlog in voter’s ID cards

By Angel F. Gaviola

Tungod sa kakulian printing sa kaolohan Manila, halos usa ka milyon Caraganon botante ang wala gihapon nakabaton og voter’s identification card.

Moabot sa halos usa ka milyon registered voters sa tibuok Caraga ang wala gihapon nakabaton og voter’s identification card luyo sa pipila ka beses nang gipahigayong piniliay.

Segun ni Caraga election director Atty. Francisco Pobe, wala sa kamot sa rehiyonal nga buhatan sa Comelec ang solusyon sa maong backlog nga tungod kakulian sa voter’s id printing sa kaolohan Manila, sanglit sa kanunay mag-agad lamang sila sa mandu ug desisyon sa Comelec-Central Office.

“It’s Manila that print not in our level. We are just dependent on their deliveries, they having priorities in printing,” saysay ni Pobe.

Sa dol-an 1,578,154 registered voters sa Caraga, anaa pa lamang sa 553,322 ang nakadawat ID card, samtang mokabat 902,633 ang pabiling wala na-relesan, butyag ni Pobe.

Dugang pa usab ni Pobe, anaa sa 122,199 voter’s ID ang kasamtangan unclaimed o nakatanggong lang sa nagkadaiyang city and municipal election offices ug ikatakdang e-deliver sa mga botante.

“There are 122, 199 IDs na transport na sa mga office of the election officers from Manila but subject for final personal delivery to the voters,” asoy ni Pobe.

Sa iyang bahin, gipadayag ni Butuan election officer Atty. Samuel Rollonga duna nay hiniusang proposal ang mga city and municipal election officers sa nasud nga himoon nalang “regionalized” ang voter’s ID printing aron masolusyonan ang problema.

Ingon ni Rollo, modagan og halos 4 ka tuig ang proseso adeser makaangkon ang usa ka botante og id kon basehan ang petsa sa registration niadtong pinakaulahing na-releasan sa ingon.

“So kung imong ihapon 2012 pa paubos ang available IDs so modagan og mga 4 years, so ingon ana kadugay, so we hope nga mapaspas na. In fact, we are proposing nga i-regionalized na lang nang ID,” sulti ni Rollo.

“Ang katong available, napicturan, nakuhaan og biometrics June 2012 pababa naa na, pero July 2012 up to the present wala pa gyud.”

One Comment

  1. Ang 2015 nga mga botante naa na kaha ang ilang voters ID karun nga tuig 2018 ?

Leave a Reply

Your email address will not be published. Required fields are marked *