Water refilling station pormal gitunol, out-of-school youth beneficiaries nalipay

Gikalipay sa mga out-of-school youth sa Barangay Binuangan, Tubay, Agusan del Norte ang pormal nga pagtunol sa Purified Water Refilling Station Livelihood Project gikan sa SR Metals, Incorporated adlaw’ng Lunes Hulyo 10, 2017.

Kahinumduman nga niaging bulan, gihasa ang maong natinong mga benepisyaryo mahitungod sa “Personality Development and Values Formation Seminar’” inubanan sa dakong paglaum nga mabag-o ang perspektibo ug panglantaw sa kinabuhi ug pag-andam sa ilang tagsa-tagsa ka kaugalingon sanglit kasagaran sa ila misurender sa “Oplan Tokhang” program sa goberno.

Mapasalamaton ang maong barangay pinaagi ni Barangay Captain Rosalina Guzo tungod mao kini ang pinaka-unang purified water refilling station sa kinatibuk-ang lungsod sa Tubay, Agusan del Norte.

Dako usab ang pagdayeg sa maong kapitan sa gibuhat sa SRMI ilabina nga aduna gihapon mga pipila ka indibidwal nga nagsaway ug naglabay og isyung gidaot sa SRMI ang mainom nga tubig bisan pa man walay kamatuoran.

“Dili na gyud dauton ang kompanya karun nga gidaot ang mainom nga tubig kay hinlo naman gyud ang mainom nga tubig,” saysay sa opisyal.

“Busa, isip mga benepisyaryo, kinahanglan magsinabtanay kamo ug magplano aron mas molambo pa ang inyong negosyo, ” pahimangno nalamang sa maong opisyal.

Sa pagkakarun, nagsugod na ang pagpadagan sa maong negosyo ug plano sa mga miyembro niini nga magbaligya sa produkto nga limpyong tubig sa kinatibuk-ang lungsod sanglit kasagaran sa tagbalay mogamit na og purified water nga imnonon. Ni JD

  • 38
  •  
  •  
  •  
    38
    Shares
  •  
    38
    Shares
  • 38
  •  
  •  

Leave a Reply

Your email address will not be published. Required fields are marked *


TOP