‘Water crisis sa Nasipit dili madali-dali masulbad’

Ni Daisy Saraon

Vallecera

Aminado ang pamunoan sa Nasipit Water District (NWD) dili madali-dali sa buhatan ang pagsulbad sa nagtunhay water crisis sa lungsod.

Gani , sa tan-aw ni NWD administrative services assistant Carol A. Vallecera , molungtad pa sa pipila ka tuig adeser daw mahibalik sa normal ang kahimtang sa suplay tubig sa Nasipit, Agusan del Norte.

“Dili jud dali-dali mabalik ang normal nga agas sa tubig kay tungod sa kahimtang sa Watershed area nga wala nay kahoy nga nagpugong sa tubig ngadto sa yuta. Unya mga pila pa jud ni katuig siguro una mabalik sa normal,” sulti ni Vallecera pakighinabi sa Periodico.

Ingon ni Vallecera, nanghinaot sila sa NWD nga masabtan unta sa halos 4,236 nila ka concessionaires ang sitwasyon, sanglit wala daw sila nagpabaya ug naghimo na og mga agresibong lakang aron matuldokan na ang perwesyo’ng dala sa maong suliran.

“Sa pagkakaron, gihangyo namo nga dapat mo- cooperate ug musabot ang mga konsumador kay gibuhat na namo ang tanan aron makahatag sa sakto nga serbisyo , kasaligan ug limpyo nga tubig sa lungsod sa Nasipit”, sulti Vallecera.

Pasigarbo pa ni Vallecera, hinay-hinay na daw nilang na-alibyohan ang hugaw ug on and off awas sa tubig , tungod sa gipangtaod nilang mga bag-ong deep wells nga partikular gimontar sa may Barangay Kinabjangan.

“Karon, naa nay kabag-uhan , unlike before nga ang atong tubig 2 to 4 hours nalang . Karon ni saka-saka na ang hours nga nay tubig,” butyag ni Vallecera.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP