Train Butuan to Davao, CDO, sure na?

Kasikas ug Bul-og

Ni Blas Indong

Ambot lang kay ang gobyerno ra sa ‘pinas kargado sa broken promises pero kay taga-Mindanao man kaha atong presidenti, mga miembro sa cabinet ug duha ka senador, siyaro’g di ni mosaler?

Ampo na lang ta sa kahitas-an ug kina-ubsan pero ang concern ug pangutana sa kadadhanan, unsa pud kaha ka efficient ug ka-paspas ning mga traina?

Basin alas-puno ug pareho ka hinay sa nag-inusarang ug walay nadang serbisyo sa kompaniyang bus dinhi. Hunahunaa ha,pipila ka mga tuig nag-utong ug nag-pasensya ang mga tawo niini. Kung moadto ka sa Davao; 8 hours, sa CDO; 6 hours! Panabangan!

Unsaon, kada baryo,lungsud,barangay, purok,kanto hunongan aron makapunit og pasahero. Walay disiplina ang Pilipino. Unta maondang na ni kay kay “tunay na pagbabago” man kaha karon.

Ug kay in-partnership man kuno ni nga project sa Japan, siyaro’g dili ni ngilngig sa ka-paspas ug ka-high-tech. Puwedi Bullet train na lang? O dili kaha parehas ka paspas sa mga kumo ni Pacman sa last round batok sa iyang mga kontra?

Ingon sa unofficial party, three hours na lang kuno ang Butuan to Davao ug 1 hour,47 minutes na lang ang Butuan to CDO. Aww, okay na lang basta dili na intawon abtan sa kilom-kilom ug dili na mapislat ang lubot ni nanay.

Basta ha, promise,wala na’y alas puno, pick-up sa pasahero bisan asang kanto,unya diay, mahal pa gyud. Basin uroy mas mahal ha, ayaw na lang.

Ang sunod pangutana: kanus-a man gyud ‘ta kakita’g train nga mag-dagandagan? Puwedi dalion kay gikapoy na ta’g sakay sa bus nga arang ka langayan.

Bullet rain, ipadala na!

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP