Solons to push for separate Caraga Federal State

By Angel F. Gaviola

Fortun: Caraga should be a separate federal state . Contributed photo

Dili motugot ang mga district representatives gikan sa rehiyon mahisakop sa laing federal state ang Caraga subay sa gihingusgan plano sa administrasyon Duterte nga utrohon ang porma sa pang-goberno sa nasud.

Segun ni Butuan Rep. Lawrence Fortun, nauyonan niya ug 8 pa ka mambabalaod sa rehiyon nga iduso gayod ang ang usa ka separate Caraga Federal State ug dili magpasakop sa laing estado.

“Galingkod nami although informally, magkape-kape mi mga congressman sa Caraga diha sa kongreso gusto namo iduso nga ang Caraga should be a separate state para na tay kaugalingong state governor,” saysay ni Fortun.

Ingon ni Fortun, sukwahi sa obserbasyon sa pipila ka lideres sa Kongreso, kaya mo-survive ug molahotay ang usa ka Caraga federal state tungod sa kabuhong niini sa rekorses naturales.

“Ang proposal sa uban basin kuno dili mahatagan kay gamay ang Caraga region. But Caraga can survive noh,” saysay ni Fortun.

Gani, mas adunahan ang Caraga kun ikumpara kini sa laing mga rehiyon sa nasud sa aspeto sa forestry and fisheries, agriculture, minerals and eco-tourism (FAME), sumala ni Fortun.

“Caraga is very rich. Richer even than the other region except that we have to be able to properly utilize our resources. Ang Caraga dato sa gitawag nga FAME o forestry and fisheries, agriculture, minerals and eco-tourism. There should be a correct balance sa pagamit niani. Sa karon medyo toa ta sa minerals nag-concentrate,” ingon ni Fortun.

Kahinunduman, giduso ni House Speaker Pantaleon Alvarez nga “isagol” o mixed ang mga pobreng rehiyon sa nasud, ngadtos mga malamboon ug progresibong rehiyon sa giplanong federal-parlimentary form of government.

Sa kaso sa Caraga, gibutyag ni Alvarez, nga dili kini pwede mahimong federal state tungod usa kini ka “pobreng” rehiyon ug kinihanglan “isagol” sa imugna unyang Federal State of Davao aron igong magiyahan ug masuperbisaran.

Sa kasamtangan 18 administrative regions sa nasud himoon nalang kining 11 hangtud 12 federal estates ubos sa gilanong federal-parlimentary government.

  • 323
  •  
  •  
  •  
    323
    Shares
  •  
    323
    Shares
  • 323
  •  
  •  

Leave a Reply

Your email address will not be published. Required fields are marked *


TOP