Shape up or ship out, ‘corrupt’ Caraga environment officials, personnel told

By Angel F. Gaviola

Fabre (right) is Environment Sec. Gina Lopez’s point man in the Caraga. Skeptica

Gihatagan lamang og two months ni Caraga environment director Charlie Fabre ang mga opisyales ug personahe sa Land Administration and Management System (LAMS) aron limpyohan ug e-plastar sa sakto ang transaksyon sa nasangpit division luyo sa nadiskobrehan anomaliya sa opisyal may kalambigitan pagpatitulo sa yuta.

Ingon ni Fabre, determinado ang iyang liderato hinloan ang LAMS sa korupsyon ug pangpaphaon sa pwesto ang mga personahe gihimo og gatasan ang serbisyo sa ahensya nga gitawag niyang usa ka grave “social injustice” sa katawhang Caraganon.

“Mao ni akong gihatagan 2 months gyud ang akong mga personnel sa land administration project. Kani siya maoy pinakadugay nga social injustice nga gihatag sa DENR sa people of Caraga,” sulti ni Fabre sa nadiskobrehan anomalya.

Pasalig ni Fabre, nga bag-o lang milingkod isip director, walay lugar sa iyang pamunoan ang daw naandan nang “kalakaran” sa LAMS, diin ginapangayoan ang mga aplikante’s nagpatitulo og yuta sa makalilisang nga kantidad.

“Kay halos bisan asa ko magsuroy dire moabot sa akong dalunggan may raba og P1 ray magasto , ang mention P20,000. Imagine, ang serbisyo sa goberno gibaligya. Dili nato na gusto nga mahitabo sa akong panahon,” asoy ni Fabre.

“So mao nang ni-ingon ang mga tawo dire ako ang mo-adjust sa ila. No, sila ang mo-adjust sa ako kay akoy gibutang sa secretary sa DENR dinhe nga e-implementar ang zero tolerance policy sa corruption ng DENR,” dugang ni Fabre.

Giklaro sa opisyal, balor P50 lamang ang kantidad nga balayronon o taripa sa DENR matag aplikante aron mapatitulohan ang gipanag-iyang residential ug agricultural lands ug dugang P100 matag tax stamp ug court clearance .

“Kay dapat ang pagtitulo P50 lang ang pag-isyu ng titulo sa DENR dili kay pag-abot nako dinhe ultimo ang taga DENR moingon P10,000 na, P20,000 na ang akong gasto wala pa ang titulo nigawas,” ingon ni Fabre.

“Ang dugang nga gasto alang sa kliyente is 4 ka stamp, ang then court clearance depende sa inyong korte either P100 or P50 and then 1 ka stamp. So kana lang dapat bayaran sa tawo. Dili dapat mosubra ana,” dugang ni Fabre.

Gawas sa pagpangayo og dakong kantidad, racket usab matud pas mga personahe sa LAMS partikular na ang mga surveyor ang mang-sideline gamit ang kaheman ug resources sa ahensya.

“Pag ang DENR ang magsurvey tawag namo survey order, buot pasabot ang DENR na ang gitugot nga mosurvey. Ayaw mo pagtuo kung walay travel order ang taga-DENR nga team nga surveyor, nagsuroy sa inyo pwede ninyo isumbong sa amo kay dili gyud na trabaho nila. Wala sila gisugo, basin nagsideline ra nang among tawo,” saysay ni Fabre.

Lunes hangtod Biyernes lamang ang gitugtan adlaw ting survey mga personahi DENR nga gilangkoban sa 5-7 ka surveyors matag team ug wala sa adlaw’ng Sabado ug Dominggo, matud ni Fabre.

“Kung Saturday ug Sunday magsurvey ang taga-DENR so sa ato pa pinakabuotan ning mga empleyado sa DENR, pero sideline nila. Sa normal sa DENR ang mag-survey 5-7 ka tawo ang surveyor, unya Monday to Friday lang ang trabaho pero kung Sabado ug Dominggo nila buhaton, 2-3 lang kay para sila ray magbahin sa ilang sideline. Dili na nato itolerate, isumbong na ninyo sa DENR,” saysay ni Fabre.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP