Seguridad Butuan judges, prosecutors gihapugtan

By Clyde Hikilan

Sa nahitabong pag-atake’s riding in tandem target ang mga membro sa judiciary ug prosecutors office sa Surigao, pipila ka police personnel ang gipang-deploy magbantay mga huwis ug fiscal sa Butuan. Contributed photo

Todo bantay karon ang kwerpos kapulisan ngadtos judges ug prosecutors subay sa gipatuman security measures tumong protektahan ang mga membro sa judiciary ug city prosecutors office sa Butuan.

“Ang mandato kanato nga suroy-suroyan gyud ang mga balay sa mga fiskal, judges, amo nang gihimo aron atong masayran basi og duna poy nag monitoring, gi-casing ang ilang mga balay, schedule mao nang amo gyud gilibut libutan,” sumala ni Senior Inspector Agustin Navarro, hepe sa sa Butuan City Police Station (BCPS-1).

Kahinunduman, sunod-sunod nga mi-atake ang armadong riding in tandem sa Surigao City diin gipatay ang retiradong huwis ug gitambangan ang usa ka prosecutor, nga anaa sa talandugong kahimtang ug pabiling nagpa-alim sa usa ka ospital.

Ingon ni Navarro, lakip usab nilang gibantayan ang mga retiradong huwis ug fiscal nga posibleng ma-intresahan tungod sa desisyon sa mga kaso kanhi gigunitan.

Aron mas epektibong manonitor ug daling matiktikan ang galaw sa mga kadudahang personalidad nagka-interes sa ulo sa huwis ug fiscal, dugang pa ni Navarro, gipalig-on usab sa kapulisan ang ilang kutay sa gitawag Barangay Intelligence Network.

“Wala gyud ta nagpabaya, atong gi strengthen noh pati na ang mga Barangay Intelligence Network, ato gyung gi inform sila aning mga riding-in-tandem, labi na nga ang focus sa suspek ang mga judicial, Oo, mga fiscal ug judges, ” dugang sa opisyal.

Sa pikas bahin, gi-angkon ni Surigao City Police Office spokesperson Sr. Insp. Tessiel Moleta wala pa gihapon maila’s otoridad ang mga hitmen mitiro patay kang Judge Victor Canoy ug mipusil kang City Prosecutor Manuel Navarro Tesiorna.

“Under investigation pa ang maong mga kaso,” saysay ni Moleta.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP