Skip to content

Rep. Amante, Cabadbaran mayor vehemently deny links to drug trade

Ni Gab Dagohoy

Agusan del Norte’s political couple. Skeptica

Hugtanong gilimod sa kampo ni Agusan del Norte Rep. Erlpe John Amante ug Cabadbaran Mayor Katrina Mortola duna sila’y kutay sa patigayon sa illegal nga droga.

Sa himulag nga pamahayag, gitawag ni Amante ug kapikas niining si Mortola nga dakong bakak ug malisyoso ang gihimong pagkonekta kanila isip mga protector o tigpaluyo sa na-arestong magtiayon sila Jingky Digdigan ug Victor Salalima nga gi-alegahan mga bigtime drug pushers sa Cabadbaran.

“Congressman Amante abhors illegal drugs and in fact he has been at the forefront in fighting against the drug menace long before the election of President Duterte,” unod sa usa ka pahinang pamahayag gipagawas sa opisina ni Rep. Amante.

Ingon ni Amante, ang gihimong pagdahig sa iyang mga kritiko ug kaatbang ngadto na sa illegal binuhatan managti-ayon Salalima, usa ka black propaganda ug pamulitika lamang tumong daoton ang iyang dungog ug agi sa pulitika.

Adlaw’ng Sabado, gi-ronda sa tropa sa Philippine Drug Enforcement Agency (PDEA- Caraga) pinasikad sa usa ka search warrant ang panimalay sa mga Salalima sa may Barangay 6.

Segun ni PDEA Caraga regional director Gilbert Buenafe, sa maong operasyon, nakuha nila sa posisyon gikan sa duruha ang gisuspetsahang 50 ka gramo sa shabu mobalor P 590,000.00, drug drug paraphernalias ug mga pistola.

Ingon ni Buenafe, patong-patong nga kaso ang ilang ipasaka sa mga naarestong suspetsado,nga nahilakip sa top drug personalities sa Caraga gimanmanan sa PDEA ug konektado sa Rene Cabrera drug group sa Butuan usa sa dakong drug syndicate nakabase sa Marawi City.

Sa iyang bahin, gibarogan ni Cabadbaran Mayor Mortola nga bisan pa nailang tig-suporta sa iyang administrasyon ang magti-ayon, wala siya’y koneksyon sa pagkalambigit niini sa pagpayuhot sa ginadiling droga.

Apela ni Mortola sa mga nagdaot kaniya: “We call on you to stop. You are not doing any good to your fellow Cabadbaranons and Agusanons. It is best to spend your efforts, political capital and financial resources in helping solve the bigger problems of illegal drugs, poverty and unemployment.”

Banat pa sa mayor, ang talamak nga problema sa droga sa Cabadbaran, nga una nang gikosidera’s mga atoridad usa sa mga sentro sa illegal drug trade sa Caraga, maoy resulta sa pagkabutabunggol ug kapalpakan sa gisundan niyang administrasyon.

Leave a Reply

Your email address will not be published. Required fields are marked *