Skip to content

Probe of Butuan SP Building construction anomaly gitugyan sa NBI

Ni Angel Fuertes-Gaviola

Gitugyan na sa lokal nga panggamhanan sa buhatan sa National Bureau of Investigation (NBI-Caraga) ang pagtuki sa gikaingon ma-anomalosong construction sa P144-M Sangguniang Panglugsod Building.

Ang pagsulod sa NBI sa eksena, segun ni City Councilor Vincent Rosario, kabahin sa mas gipalawman pakisusi sa administrasyon Lagnada aron madetermina kinsa ang mga personalidad responsable sa kontrobersiyal nga proyekto.

“Naa na karon sa NBI ang mga papeles kay nag-conduct man ta og committee hearing regarding sa mga defects sa SP building. At least, maklaro pod kung unsa ang makita nato nga deperensiya sa atong SP building kay sa committee level in aid of legislation raman ta, dili man ta ang ato mga querry man lang,” sulti ni Rosario.

Ingon ni Rosario, chairman sa council committee on public works, partikular nga pagatan-awon sa mga NBI investigators nganong napasa-pasa sa duha ka mna kontraktor ang proyekto ingon man ang pag-utro o revision sa master plan niini.

“So dapat ato pod tong tan-awon ug ato pud sutaon unsay rason nganong na-resend ug na-temporary suspend ang project , nganong na-terminate, nganong na-award sa lain napod nga kontraktor nga gi-revised napod ang plano .Wala gani nagkuha og another building permit nga naa man tana amendatory plan , unya hangtod karon nganong wala kakuha og occupancy permit,” saysay sa konsehal.

Base sa gihimong hearings diin gipatawag sa committee on public works ang mga kontraktor ug personahe lambigit sa maong proyekto, napamatud-an daghan depekto ug “substandard” ang mga materials gipang-gamit sa SP building, butyag pa ni Rosario.

Makonsidera usab mahal ra ang P144 milyon budget para sa 2–story building, nga gisugdan sa administrasyon ni kanhi Butuan Mayor Democrito “Boy Daku” ug gi-turn-over sa kontraktor UKC Builders, Inc. panahon ni Mayor Ferdinand Amante, Jr. bulan sa Septembre, 2014, dugang pa ni Rosario.

“So kung i-sum up nato tanan gikan sa sinugdanan sa pagtukod niini sa laing nga kontraktor niya paghatag sa laing contractor moabot pod og P144 milyon kapin ang cost na ani nga project nga originally P177 milyon plus with 4 storey building,” sulti ni Rosario.

“Karon niabot og P144 nga 2 story ra, a matter of P30 milyon ang deprensiya . So mao na tan-awon nato nga comparison sa project cost.”

Leave a Reply

Your email address will not be published. Required fields are marked *