Opaw Surigao, Basura Caraga

Kasikas ug Bul-og

Ni Blas Indong

Mao ni kantiyaw sa mga college students nag-tambay sa coffee shop: “ang Surigao gi-opawan, ang isla gi-panitan, daghay mga pahak, ang Caraga nahimong basura.”

Tiaw mo na, bisan mga batan-on pa sila , kahibalo sila kung unsay sangpotan sa industriyang minahan sa pipila ka tuig karon.

Karon pa lang, makita na ang sitwasyon pero sa mga politikong nag-sponsor niini wala kakikita o nabuta ba kaha, ambot unsa.

Ayaw katingala kung nahanap na sa mapa ang surigao kay wala nama’y kalasangan ug hugaw na ang kadagatan, manglayas na ning mga big-time mining ug basora na lang ang palibot.

Maong dili gyud ta matingala kung musugot si Digong nga padayon ang mining kay gi-dophan man ni sa mga kuwartahan ug walay pakialam sa kinaiyahan sa Caraga.

Dili baya ni sila taga-dinhi, taga Manila man, ug ngano man uroy sila mobati sila sa Surigao ug Caraga? Itanong sa buwan!

Sayang ang paningkamot ug panglantaw ni Gina Lopez, ang tinuod nga public servant pero unsaon ta man, gamay ra man ang parehas sa iya.

Ang mga tawo, mga propesyonal sa lain-laing sektor dili man motingog kay mahadlok siguro o buta, bungol pud siguro sa kamatuoran o sa ugma.

Asa na man ang Caraga region padulong? Ingon sa usa ka opisyal, sa kalamboan kuno kay sementado na kuno ilang munisipyo ug kadalanan.

Pero sa ilang kadagatan, kabukiran ug katubigan, walay nay matilok kay opaw ug hugaw na.

O sige, kalamboan man kaha pero pila ka tuig? 5, 7, 10 years, unya unsa man? Naa pa kahay makaon, trabaho, matanom?

Asa man puniton ang mga tawo nadani mo-trabaho sa mining company kung sirado na kay wani naman ang ilalom sa yuta? O mga duol sa luwag sa Malacañang, tubaga!

Ambot unsay kaugmaon ining mga batan-on, siguro kantiyaw-kantiyaw pa sila karon kay wala pa man sila epektohi.

Basin sa sunod mga katuigan, mapugos na lang sila og kitkit sa mga dagkong bato sa nabiling minahan kay wala namay basakan kay minos man kuno ang pang-ngwarta dinhi kontra sa lumalabay lang minahan sa Hapon ug sa Tagalog.

Maong good luck na lang sa Caraga. Hinaut dili matinuod ang basura.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP