Skip to content

NPA abducts soldier in Surigao, attacks outposts; rebs sincerity in peace talks gi-kwestyon

Ni Clyde Hikilan

Communist rebels have been waging rebellion since 1968, considered one of the longest-running insurgencies in the world that has killed an estimated 150,000 people. Skeptica

Gi-kwestiyon sa Armed Forces of the Philippines ang sinseridad sa New People’s Army (NPA) sa peace talks luyo sa pagdagit sa rebeldeng pundok sa usa ka sundalo ug pagpangharrass sa mga military outposts sa Agusan del Norte .

Segun ni Lt. Col. Rey Pasco, commanding officer sa 4th Civil-Military Operations Battalion, makonsiderang usa ka pagsabotahe sa hinabing pangkalinaw ang gihimong opensiba sa NPA batok sa tropa sa goberno nakalabay’ng adlaw.

“Syempre, gi-condemn namo ilang gihimong atrocities. Wala silay sincerity,” sulti ni Pasco.

Adlaw’ng Sabado, gidagit sa gidudahan mga rebelde ubos sa Front Committee 16 sa NorthEastern Mindanao Regional Committee (NEMRC-NPA) ang sundalo naila si Private First Class Erwin Salan, nga membro sa 30th Infantry Battalion samtang papauli gikan sa usa ka community outreach activity sa may Barangay Budlingin , Alegria, Surigao del Norte.

Gi-harass usab sa NPA ang outposts sa Peace and Development Team (PDT) sa maong army battalion nagkabase sa 3 ka bukiron barangays sa Kitcharao, Agusan del Norte niadong Domingo.
Walay gikatahong samaran o naanggol sa duha ka panig atol sa maong engkwentro.

Ingon ni Pasco, makakurat ang gikasang “aggressive” offensives sa NPA batok sa ilang Community Organizing for Peace and Development (COPD) Teams nga nagpatuman lang daw sa ilang trabaho ug mandato.

Pasalig sa opisyal , sincero ang panig sa militar ug malaoman sa publiko dili gayod sila mohimo’g lakang o operasyon nga maka-bulilyaso o undermine sa nagpadayon hinabing pangkalinaw tali na sa goberno ug National Democratic Front, ang political wing sa NPA.

Sa kasamtangan, padayon ang gihimong hot pursuit operation sa militar tumong ma-rescue ang pinaka-ulahing sundalo sa Caraga nga biktima sa pangpangdagit rebeldeng pundok.

Leave a Reply

Your email address will not be published. Required fields are marked *