Niangal sa basura pero buta sa pag-mina ug hakot sa yuta

By Lee Flores

Bery gud, gipauli ang basura sa nasud Canada. Nganong dili man nila i-freeze ang ilang trash sa ilalom sa snow didto, aron ma-“Frozen” parehas sa salida? Unya, congrats sa political will sa Pinoy. Talagsaon ra ni.

Pero kung ning-palag ta sa basurang gilabay sa ato, nganong wala’y pakabana ang pag-mina, pang-opaw sa mga kabukiran ug labaw sa tanan, ang pang-hakot sa kayutaan padulong sa China, Japan ug ubang ka-nasunaran nga nag-dakit sa mga mineralis? Unsa ni, selected favor and saying no? Sa mga batan-on pa, pag-tsure oi!

Kung moadato ka sa dapit sa Surigao provinces, Leyte ug Samar, makita nimo nga gikutkot ang kayutaan, gi-“shavan” ang kabukiran ug gi-karga sa barko sa mga Insik ug Hapon padulong sa ilang nasud.

Goodbye Philippines, mao kini ang hinayhinay nga kahimtang sa atong nasud nga gitugtan sukad pa ug padayon gihapon kay walay poltical will aning dapita. Unsaon man kuno, “money talks” or “name your price”  so bahala ana ang mga isla sa Pinas hinayhinay’ng 6000 na lang.

Kining isyu sa basura,daw baho na. Wala man gani ka-sulbad ang taga-Manila sa dakong hugaw nila nga nag-lutawlutaw sa Manila Bay ug Pasig River? Mao siguro’ng gibalibaran ang basura sa ubang nasud kay aron ingnon nga concern sila? Pag-tsure lagi oi!

Ang pipila ka minahan nga karon gibiyaan nahimo naman gani og basurahan. Halos wala na’y mga tanom mabuhi didto ug dili na kapuslan. Ang mga pobre nga nag-trabaho didto kaniadto nag-alsa balotan na. Kinsa man uroy mag-pabilin didto nga manimahu man ka.

Ay! basura! Pinas hatdan og basura. Pinas himoanan og basura, labayanan og basura. Gibalibaran salamat na lang. Pero time pa, hinaut unta dili pa-porma lang.

Ang kinahanglan pud nato, kalig-on sa baruganan nga wala’y langyaw manamastamas sa atong kayutaan ug kabukiranug i-bring home pa sa ilang nasud.

Unsa na unyang mabilin kanato? Ayaw intawon basura sa laing nasud-bisan ato na lang.

Photo courtesy of hurriyetdailynews.com

  • 58
  •  
  •  
  •  
    58
    Shares
  •  
    58
    Shares
  • 58
  •  
  •  

Leave a Reply

Your email address will not be published. Required fields are marked *


TOP