Skip to content

Patay’ng lawas napalgan sa Tubay, AgNor

Nagpunsisok ang bagang doot sa katawhan human napalgan ang patay’ng lawas sa usa ka lalaki sa baybayon sa La Fraternidad, lungsod sa Tubay, Agusan del Norte Merkules sa hapon (Hunyo 21).

Giilia ni La Fraternidad Barangay Captain Elmer Jerita ang biktima usa ka Locloc Palarca, 51 anyos, lumulopyo sa Barangay 7, Cabadbaran City.

Matud ni Jerita, nakit-an sa mga mananagat nga naglutaw ang maong patay sa lawod nga bahin kadagatan sa Barangay Tinigbasan ug niabot kini sa Barangay Lawigan.

Saysay pa ni Jerita, daw usa ka “mentally challenged” si Palarca ug duha na ka adlaw gikatahong na-missing.

Sumala ni Police Officer 2 Jomar Ascarez, imbestigador sa Tubay Municipal Police Station, migawas sa ilang pasi-unang imbestigasyon nga pagkalumos ang hinungdan kamatayon sa biktima.

“Ang inisyal ani, nalumos ang biktima, apan kinahanglan pa ni e-autopsy aron masayran gyud ang hinungdan, asoy ni Ascarez.

Dugang pa ni Ascarez, wala nila gibaliwala ang anggolong adunay foul-play o ang posibilidad gi-among-amongan ang biktima sanglit napalgan kining nakasuot pa sa iyang sinena ug sapatos. Ni JD /Photo Kthel Solis

Leave a Reply

Your email address will not be published. Required fields are marked *