Negosyong pangkaayohan sa pamilya gipanghingusgan minahan sa Agusan

Pormal nga gitunol sa SR Metals, Inc. ang mga fish traps o bobo isip negosyong pangpamilya sa mga giilang tulo ka pamilya benepisyaryo mao ang pamilya ni Jose Dante Dullete, Delfin Abellano ug Ruby Morgado sa Tubay, Agusan del Norte adlaw’ng Miyerkules Agusto 16, 2017.

Ang mga fish traps o bobo nailhan kining usa ka pama-agi sa pagpangisda diin wala pa masulayan sa mga mangingisda sa lungsod.

Ang pama-agi niinii pahiluna lang ang maong mga fish traps sa kadagatan diin adunay 25 metros ang kalawom. Ug pagakuhaon kini matag 2 kasemana aron sa pagkuha sa mga nabitik nga mga isda.

Sumala pa ni Abellano nga mao na kini iyang naandan nga panginabuhian sukad pa sa iyang kabatan-on hangtod pagkahamtong si kinsa iyang amahan ang mao usab ang panginabuhian kaniadto.

Busa mapasalamaton nalamang ang maong benepisyaryo nga sila ang napilian nga makadawat sa maong livelihood project.

Gipahamtang ang maong programa nga nailhang “Family Enterprise Development” ubos sa Social Development and Management Program (SDMP) alayon usab sa dakong panglantaw sa kompanya diin kasamtangang nagpahigayon sa operasyon sa maong lungsod, nga mahaw-as sa kalisdanan ang matag Tubaynon.

Gilaoman usab nga adunay mga pangpamilyang negosyo nga ipahamtang sama nal amang sa Vulcanizing Shop ug Furniture Making diin itunol kini sa umaabot nga mga adlaw. Ni JD

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP