Nat’l Kabalikat Award nasakmit sa SR Metals

Tungod sa padayon niining pagpahamtang og libreng skills trainings sa komunidad, gi-ila ang SR Metals, Inc. (SRMI) sa Tubay, Agusan del Norte sa Technical Education Skills Development Authority (TESDA) atol sa anibersaryo niini isip “National Kabalikat Awardee” Industry Category sa tuig 2017 didto TESDA Central Office, East Service Road, South Superhighway, Taguig City adlaw’ng Miyerkules, Agusto 23, 2017.

Gitunol sa maong ahensya ang pinakataas nga pasidungog human nahimong kwalipikado ang maong kompanya sa gipahigayong balidasyon niini.

Sumala pa ni Jacquelou Modar, ComRel Manager sa SRMI, nga padayon kini nga nagpahamtang sa maong mga programa tungod sa nakita niining positibong resulta diin nakatrabaho og dali ang mga trainees human nga mipasar National Certificate Assessment.

Dugang pa niya, mokabat na sa libo-an kapin ang mipailawom sa maong paghasa ug hingpit nga naka-angkon sa National Certificate Level II diin nahimong na usab nga mga empleyado sa mga industriya sa Pilipinas ug sa gawas sa nasud.

Kahinumduman nga gidawat usab sa kompanya ang pasidungog sa Philippine Mine Safety and Environment Association (PMSEA) human nga napili-an usab kini nga Best Community Development Program sa tuig 2016 ang pagpahamtang sa skills training sa katawhan ilabina ang mga kababayen-an.

Hisayran, nga ang SRMI lamang sa tibuok Pilipinas nga minahan ang nakasakmit sa pinakataas nga pasidungog mao ang “TESDA’s 2017 National Kabalikat Award.”

“We’re glad to be recognized as an awardee, but what makes us glad the most is seeing the trainees use their acquired trainings as the best way to acquire a better future,” saysay pa ni Modar.

Gidawat ang maong pasidungog nila Jimwel Orpilla, Corporate Public Affairs Manager ug Jacquelou G. Modar, ComRel Manager sa maong kompanya. Ni JD

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP