Moratorium on mining activities in Caraga pushed

By Angel F. Gaviola

Mine workers from Surigao del Sur staged protest rally Tuesday in front of DENR regional office, demanding transparency in the recently concluded mining audit, which culminated in closure and suspension orders on 23 metallic mines across the country, 14 of which are in the Caraga region.

Naglaraw ang mga pro-mining advocates ug mine workers apektado sa gikatakdang pagpasara sa 14 large-scale mining firms sa rehiyon Caraga nga e-deklara sa goberno ang moratorium on mining activities.

Sa maong pama-agi, mahimo unyang tabla ang tanan ug tukmang ma-evaluate o makita sa goberno ang kinatibuk-an sitwasyon mga komunidad ug lugar diin dunay dinagkong operasyon mina, segun ni Caraga Network of Evangelical Ministers and Churches chairman, Pastor Charlie Sodusta.

“Kung ing-anaon man gani ang mina nga walay justice nga mahitabo, walay gitawag proper nga pakigsabot, why not give moratorium to all mining companies for 4 years para makita nato kung kinsa ang sustainable miners,” sulti ni Sodusta.

Isip usa ka mining advocate, ingon ni Sodusta, nga mas maayo pang adunay mining moratorium sa nasud kaysa walay klaro ug daw selective ang implementation mining laws and regulation.

Batbat pa ni Sodusta, nga nanguna sa gihimong pro-mining rally adlaw’ng Lunes sa DENR regional office, dili daw patas ug maki-angayon ang gihimong mine audit ni Environment Sec. Gina Lopez ug ang gipakanaog niining order pasirad-an ang 14 ka minahan nag-operate sa Surigao del Norte, Surigao del Sur ug Dinagat Islands.

Dapat gikonsidera ni Lopez ang mamahimong impact sa mining closure sa plight sa liboan trabahante mga pamilya niining nagsalig sa minahan, ingon ni Sodusta.

Sumala pa ni Sodusta, dili daw malalis dako og natabang ang operasyon sa mina particular na iyang lungsod- Carrascal, sa hisgutanang employment, livelihood ug revenue sa kaban sa lokal nga panggamhanan.

“Sukad pa sa sinugdanan ang among bukid daan na nga mineral reserve dili mana malalis, its all mineral reserve walay kahoy nga motubo. Gani kung naay matubo mamatay ra kay lagi iron siya, ikaduhang dunay pinakadako iron deposit sa tibuok kalibotan. Unya kung gimina man siya wala masayop ang mga mining companies tungod kay gumikan nila naplastar na hinuon ang kabukiran,” asoy ni Sodusta.

Apan tungod sa halapad nga mining operations sa lugar , aminado kini duna’y nahitabong kadaot sa kina-iyahan, nga sa iyang pagtan-aw kaya ra “mahatagan og kasulbaran”.

“Siltation can be address, matrabaho na. Usahay man gud kanang magsusi nga moluapd sa ibabaw tungnon man gud nga ting-ulan, natural man gyud duna gyud lapok. Pero dili gyud ingon nga nakadaot,” saysay ni Sodusta.
Sa iyang pagkumpara, mas dako pa daw og kadaot nahatag ang pagtikad mga mag-uuma sa kayutaan kontra sa pagmina, tungod kemikals sa pestisidyo ug abuno nga gi-aplay mga pananum ug kabasakan.

“Aha man ang pinakadako nga toxic nga mahitabo, mina o agriculture, tanan nga mga tawo nga nakasabot kung unsa ang mina ug agriculture mas grabi nang agriculture kay ngano man, magbutang ka og pesticide, magbutang ka og abono, its all chemicals. In mining, its only siltation, and it can be address,” pasi-atab ni Sodusta.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP