Mamao dares media : ‘Fixer’ LTO, LTFRB execs, employees panganli

Ni Angel Fuertes-Gaviola

 

Gihagit ni Department of Transportation (DOTr) Caraga director Alexander Mamao ang sakop sa media nga panganlan sa publiko ang mga opisyal ug empleyado sa buhatan nga gi-alegahan utok ug mismo maoy “fixers”.

“Yan ang problema, just tell me who is that,” hagit ni Mamao.

Ingon ni Mamao, dili gayod niya palabyon ang bisan kinsang sakop sa Land Transportation Office (LTO)ug Land Transportation and Franchising Regulatory Board (LTFRB) nga mapamatud-an nalambigit sa illegal nga kalihokan ug corruption , sanglit mao kini ang target wagtangon sa iyang kadumalahan.

Sumala pa sa opisyal, wala matod pa siya nagkulang sa pagpahimangno sa iyang mga ginsakupan sa ilang papel pagpanerbisyo sa goberno.

“Several times, I told them na serve the public at most efficiency and honesty. Kasi halimbawa kung tungkol sa fixing yan wag niyong gawin yan dahil naka-ano naman diyan kung ano yung prescribed na dapat bayaran ng publiko yon na yon,” sulti ni Mamao.

Aminado si Mamao wala pa hingpit nawala ang mga “fixers” nga trabaho ang paghulat og mga kliyente gawas sa buhatan ug mosalo sa lihokon papeles sama na nalang pag-aplay drivers license, rehistro ug franchise bugti ang pagpangayo’g bayad ug patong sa ilang mga balayronon.

Aron dili a mabiktima sa mga “fixers” , apela ni Mamao sa katawahan Caraganon nga dunay transaksyon sa LTO ug LTFRB nga direktang moduol sa legitimong empleyado sa ahensya aron matabangan.

“Sinasabi ko naman sa mga katawhan na may aplayan dinhe, lisenya man, rehistro man, franchise man diretso nalang sa empleyado, dun sa organic na tao ng opisina,” asoy sa opisyal.

Sa pikas bahin, gipaniguro ni Mamao nga ubos sa iyang liderato, dili na malangan pa ang mga transaksyon mga kliyente sa buhatan, diin sulod lamang sa usa adlaw garantisadong mahuman na kini.

“Rest assured that the LTO and LTFRB is for the public, what I mean is we have to serve the public at most efficiency, diligence and effectiveness and speed. Kung magagawa within a day talagang ibigay na, tapos kung kulang yong requirements dapat within 3 days so that’s the policy we will implement here,” saad ni Mamao.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP