LTTMO ‘internal cleansing’: 12 Butuan traffic enforcers gipangsibak

Ni Clyde Hikilan

Manatad: Kagamay suholan dili igong rason aron traffic enforcer mangilkil mga motorista ug traffic violators. Skeptica

12 ka mga personahe sa Land Transportation and Traffic Management Office (LTTMO- Butuan) ang gipangsibak sa pwesto subay na sa gilusad “internal cleansing” sa buhatan.

Ingon ni Chief Insp. Peter Paul P. Manatad, hepe sa LTTMO-Butuan, ang gihimong niyang pagpananggal kabahin sa kampanya sa Lagnada administration nga silhigon ug papha-on sa serbisyo ang mga buluyagong ug corrupt nga mga traffic law enforcers.
“12 na ka mga traffic enforcers ang gisabay nato pag-eliminate because lagi dili angayan ang performance,” sulti ni Manatad.

Gawas sa pagpangutong, sumala ni Manatad, nahilambigit usab sa “cancellation of ticket” racket ang gipangsibak niyang mga ginsakpan, nga nakahatag daotang imahe sa buhatan sa mata sa publiko.

Gibarogan sa opisyal, dili gayod igong rason ang kagamay suhulan ug kanunay’ng delayed pagsweldo aron ang usa ka enforcer mo-resort sa korapsyon ug kilkilan ang mga motorista ug traffic violators.

Bahad pa ni Manatad, dili siya magduha-duha pangsibakon sa pwesto ang nahibiling mga ginsakpan kon mapamatud-an niyang magbinuang , bisan pa man nagkulang na ang LTTMO sa “ideal” ihap mga personahe.

  • 21
  •  
  •  
  •  
    21
    Shares
  •  
    21
    Shares
  • 21
  •  
  •  

Leave a Reply

Your email address will not be published. Required fields are marked *


TOP