Local taxes, fees and charges sa Butuan laoman ‘momahal pa’

Aprobado na sa lokal nga konseho gi-dominahan mga kaalyadong konsehales ni Butuan Mayor Lagnada ang 2 ka ordinansa diin pormal naghatag ug kagahom sa mayor mosulod og kontrata mangutang sa DBP ug Landbank balor P2.8 bilyones. Skeptica

Laoman nalang sa bagang katawhan Butuanon ang umento o pagmahal mga local taxes ug balayronon sa permits, license fee ug uban pang charges tungod sa nagkadakong utang nga sagubangon sa dakbayan, sumala ni former Butuan Councilor Sergio Pascual.

Segun ni Pascual, dako kaayo matud pa og implikasyon sa hisgutanan pagpangolekta og buwis ug sa balayron sa business permits, licensya, cedula ug uban pa local charges ang utangon P2.8 bilyon sa kasamtangan administrasyon ni Mayor Ronnievic “RCL” Lagnada.

Ingon ni Pascual, walay daw lain remedyo nga buhaton ang lokal nga panggamhanan aron mabayran ang maong utang kundi ang pagpa-umento’s lokal nga buliwisan, fees and charges.

“RCL and his allies in the council are claiming to be pro-people, pero tan-awa unsa ilang gihimo karon. Binilyon ang utangon. Sagubangon gyod nato ni, momahal pa ug mas mota-as samot ang local taxes ug balayronon sa local fees and charges,” ingon ni Pascual.

Miaging semana, sutoy nga na-aprobahan sa hawanan sa lokal nga konseho gi-dominahan sa mga kaalyadong konsehales sa mayor ang duha ka ordinansa, diin pormal naghatag ug kagahom kang Lagnada mosulod og kontrata sa pagpangutang.

Base sa ordinansa, balor P1.3 bilyon ang paga-utangon kantidad sa dakbayan sa Development Bank of the Philippines (DBP) ug lain P1.5 bilyones sa LandBank of the Philippines.

Sumala pa ni Councillor Cromwell Nortega , gamiton ang utangon binilyon gamit ang Internal Revenue Allotment (IRA) sa dakbayan isip collateral nga pambayad sa nakabinbin utang sa dakbayan ug e-pondo sa mga priority infrastructure ug pet projects sa administrasyon Lagnada.

“Kadtong gi-loan sa previous administration nga taas og interest more than 9 percent kani karon bayaran sa DBP thru loan gihapon lugar sa siyudad at 4.5 percent nga interest payable in 10 years. Ug didto nakalatid sad ang mga equipment ug mga proyekto nga pagagamitan sa gi-loan nato sa DBP,” saysay ni Nortega.

Pasabot pa ni Nortega, bisan pa og aprobado na nila sa konseho ang nasangpit 2 ka ordinansa, moagi pa kini sa taas taas nga proseso adeser tukmang ma-realisar ang utangong P1.3 bilyon sa DBP ug P1.5 bilyon sa LandBank.

“Taas pa ang proseso ani kay moagi pa ni sa ilang board, pagbalik ibalik sa city gov’t, this time I think the authority of the Sanggunian will pass a resolution authorizing the city mayor to sign in behalf of the city gov’t, unlike atong sa DBP ni-agi nato sa proseso, aprobado na sa ilang board ug ni-aksyon na dayon ang city gov’t,” dugang ni Nortega. By CLC and Angel F. Gaviola

  • 13
  •  
  •  
  •  
    13
    Shares
  •  
    13
    Shares
  • 13
  •  
  •  

Leave a Reply

Your email address will not be published. Required fields are marked *


TOP