Livelihood grants gitunol ‘repatriated’ Caraganon OFWs wala minglahutay

By Angel F. Gaviola

Ronquillo

Aminado ang kadumalahan sa Overseas Workers Welfare Administration sa rehiyon wala gayod nakalahutay ug napalambo ang gihatag livelihood grant and cash assistance sa mga repatriated Caraganon Overseas Filipino Workers.

Segun ni Jean Mary Ronquillo, coordinator sa reintegration program sa OWWA-Caraga, tungod sa pagpasagad sa mga OFW beneficiaries, nahimong walay pulos ang gimugnang Balik Pinas-Balik Hanapbuhay Livelihood Assistance Program sa buhatan.

Base sa monitoring, butyag ni Ronquillo, kasagaran sa gisudlan negosyo ug panginabuhian sa mga OFWs naundang ra ug gipangbayaan lang.

“Sa among monitoring if on going pa ba, existing pa ilang project or close na siya. Ang uban gyud na-close kay nibalik na abroad, ang uban pud man gud like naa pud mi beneficiary nga ang OFW gyud mentally ill so nahimo siyang na-konsumo dili nila masustain,” asoy ni Ronquillo.

Sumala pa usab sa opisyal, posibleng wala mamotivate o madasig ang benepesaryo sa programa nga ipadayon ang gisudlang negosyo tungod sa kagamay grant nga ilang gitunol, nga ana-a lamang sa P10,000 matag OFW.

Subay niini, gitun-an na matud pa sa ilang mga kadagkuan ang nakabin-bin rekomendasyon nga usbawan ang kantidad sa ingon , subay na usab sa tinguha sa Duterte administration tagaan tukmang benepisyo ang mga Pinoy kanhi nanarbaho sa langyaw’ng nasod.

“Kana siya makaingon ta nga dili siya enough sa ilang need pero at least ang government naa siya remedy nga gihatag for that period sa kasamtangan nga ilang sitwasyon,” ingon ni Ronquillo.

“Siguro this year , we will submit our recommendation sa among na-experience regarding sa implementation ani nga program para didto pud sa head office makita pud nila ang situation so basin naay changes,” dugang ni Ronquillo.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP