LEGAL CORNER: Separation pay for resigned employees

 

Dear Atty. Bulang:

Usa ko ka empleyado dinhi sa dakbayan sa Butuan. Kung mo-resign ko, aduna bako’y makuha sa trabahuan?

Ug naa ba mi katungod mo-reklamo nga dili mi pwede kaltasan sa amo sweldo kay mag-balon nalang mi.

Mao na ako concern attorney. Hinaut imo kong mahatagan og advice.

Salamat Atty. Bulang.

Barbara
Butuan City

 

*********************************

Dear Barbara:

Kung ikaw usa ka regular nga empleyado sa pribadong kompanya ug boluntaryo ka nga mo-resign o mohawa sa imong trabaho, wala kay madawat nga separation pay.

Makadawat lang ang usa ka regular nga empleyado og separation pay kung ang rason sa pagkaundang sa trabaho tungod sa pagpa-nanggal og empleyado o pagtangtang sa iya.

Laktod nga pagkasulti, kung boluntaryo ang paghawa, walay separation pay. Kung dili boluntaryo, makadawat gyud sa maong benepisyo.

Pero, adunay mga sitwasyon nga bisan boluntaryo ang paghawa sa trabaho, pwede pa gihapon makadawat ang empleyado.

Kini kung ang pagpanghatag og separation pay nakalatid sa usa ka written agreement nga gipirmahan sa empleyado ug sa kompanya o kung kini nga benipisyo naandan na nga gipanghatag sa maong kompanya bisan pa adtong boluntaryo ang paghawa.

Sa laing bahin, dili pa nako matubag ang imong ikaduhang pangutana tungod sa kakuwangon sa detalye nga imong gihatag.

Kini nga opinyong legal base lang kini sa imong gisaysay. Pwede pa kini mautro kung aduna pay laing detalye nga madugang.

Hinaut unta natubag nako imong pangutana.

Atty. Oliver C. Bulang

Editor’s Note: “Balaod Alang Sa Tanan, Dili Sa Pipila Lang” is a weekly column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte. If you need answers to your legal queries, concerns and questions, send them to atty.oliver_bulang@yahoo.com.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP