LEGAL CORNER: Separation not a ground for re-marriage

Dear Atty. Bulang:

Maayong adlaw kanimo, Sir!

Minyo ko sa usa ka lalaki ug aduna kami usa ka anak. Tungod sa mga kakulian nga dili kapugngan, nagbuwag mi.

Napulo na ka tuig ang milabay nga wala na kami magkaistorya ug nadunggan nako, aduna na sad siya’y lain nga pamilya.

Pwede na ba ko mag-minyo ug lain Sir kay dugay naman ming bulag sa akong bana?

Hinaut unta Sir imong matagaan og tubag ang akong mga pangutana.

Daghang salamat ug God bless!

(P.S. Palihug pagtago sa akong tinuod nga pangalan.)

 

Letty
Tubay, Agusan del Norte

 

*********************************

 

Dear Letty:

Good day!

Ang kadugayon sa panagbulag sa mag-asawa dili igong rason nga ang usa pwede na maminyo pag usab. Una ka tugotan mag-minyo kinahanglan nga putlon usa ang inyong kaminyoon.

Imo kini mabuhat pinaagi sa pag-file og usa ka petition for annulment sa korte, kung aduna ka’y igong rason o grounds sa pagpasaka niini. Mao ra kani ang paagi nga maminyo ka pag usab.

Kung magpakasal ka sa laing laki nga existing pa ang imong kaminyoon sa imong bana, pwede ka makasohan og kasong kriminal.

Kini nga opinyong legal base lang kini sa impormasyon nga imong gihatag kanako. Pwede pa kini mautro kung aduna pay dugang nga impormasyon.

Hinaut unta natubag nako imong pangutana.

 

Atty. Oliver C. Bulang

Editor’s Note: If you need answers to your legal queries, concerns and questions, send them to atty.oliver_bulang@yahoo.com.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP