LEGAL CORNER: Pagbaligya sa kabahinan sa kabtangan, pwede ba?

Dili gyud malikayan nga sa mga magsuon o magparyente aduna gyu’y dili pagsinabtanay labi na kung ang hisgotanan mahitungod na sa yutang kabilin gikan pa sa mga ginikinan nga mitaliwan na sa lain kalibutan.

Mao nang dili gyud kalikayan nga imbis magsinabtanay kay kadugo ra, nag-inawayay na hinuon. Ang uban moresulta pa og kinasuhay sa korte.

Ang kinatibuk-ang kabtangan nga na-inherit sa mga sumusunod gipanag-iyahan kana sa tanan, labi na kung sa pagkamatay sa ginikanan wala’y last will nga gibilin.

Wala’y si bisan kinsa sa mga sumusunod ang pwedeng moangkon sa usa ka portion niini unless lang kung ang tanan kanila mingpirma og usa ka extrajudicial settlement of estate nga nagkantar sa mga kabahinan sa matag sumusunod.

For example, kung wala’y extrajudicial settlement of estate nga gipirmahan sa mga sumusunod mahitungod sa usa ka luna, ang usa sa ila wala’y katungod nga mobaligya sa usa ka specific portion sa maong luna.

Ang pwede lang mahimo sa usa ka heir mao ang pagbaligya sa iyang undivided nga share o ang undivided nga katungod sa maong luna. Kasagaran gyud kini nga mahitabo.

Mao nang isip pahimangno sa mga buyers, kung ugaling aduna mo’y plano nga paliton nga yuta nga ang tag-iya nangamatay na, gikinahanglan gyud nga aduna na’y extrajudicial settlement nga gipirmahan sa tanan nga mga sumusunod adiser paliton ang maong yuta o portion niini.

Editor’s Note: “Balaod Alang Sa Tanan, Dili Sa Pipila Lang” is a free legal advice column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte. If you need answers to your legal queries, concerns and questions, send them to atty.oliver_bulang@yahoo.com

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP