LEGAL CORNER: Pag-utro sa apelyido sa illegitimate nga bata, way katungod ang inahan

 

Sigurado ko nga ubay-ubay gyud nga mga inahan nga bulag ug dili minyo sa ilang mga partners ang gusto masayod kung aduna ba silay katungod nga utrohon ang apilyedo sa ilang illegitimate nga bata (natawo nga dili minyo ang inahan ug amahan) nga gamit ang apelyido sa amahan niini sa birth certificate ug pulihan sa ilang apelyido.

Ang pipila niini gusto ilisdan tungod sa kasuko sa amahan sa maong bata, ang uban usab tungod sa pag-abandona ug pagpasagad kanila.

Apan bisan pa unsa ka reasonable ug practical ang rason, wala gyu’y katungod ang inahan nga utrohon ang apelyido sa amahan nga gigamit sa bata ug mao nay nakarehistro sa Local Civil Registrar, bisan pa og amahan niini mohatag sa iyang pagtugot.

Tungod kini sa rason nga ang maong bata lang ang aduna’y katungod kung unsa nga apelyido ang iyang gamiton. Buot pasabot, discretion na sa bata karon kung padayonon niya pag-gamit ang apelyido sa iyang amahan nga mao’y nabutang sa iyang birth certificate. (Grande vs. Antonio, G.R. No. 206248, February 18, 2014.)

Kining sitwasyona kasagaran gyud mahitabo. Ug masabtan pud nato ang kagustuhan gyud sa inahan sa maong illegitimate nga bata nga papason ang apelyido sa amahan labi na gyud og ang amahan wala na nagsuporta.

Pero ang provision sa Article 176 sa atong Family Code, nga gi-amyendahan sa R.A. 9255, klaro gyud nga nagkantar nga ang pag-utro sa apelyido sa usa ka illegitimate nga bata, dili desisyon sa inahan (o amahan) kun dili sa maong bata.

 

Editor’s Note: “Balaod Alang Sa Tanan, Dili Sa Pipila Lang” is a free legal advice column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte. If you need answers to your legal queries, concerns and questions, send them to atty.oliver_bulang@yahoo.com

 

 

 

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP