LEGAL CORNER: How to correct errors in your birth certificate?

 

Dear Atty. Bulang:

Maayong adlaw kanimo, Atty!

Daghang salamat sa imong column nganhi sa News Courier. Daghan nang mga tao nga nagkinahanglan og legal advice ang maka-avail sa imong libreng serbisyo.

Naa ko’y dakung problema. Usa ko ka empleyado sa gobyerno. Ang akong birth certificate daghang sayop sa spelling. Ang nakapait kay pati akong gender, imbis kay male, nahimo naman hinuong female. Ambot og nganong ingon ani ang nahitabo sa akong records. Maayo na lang gani kay nadiskobrehan nako ni karon nga nag-andam nako sa ako papel para sa pag-retire next year.

Unsa man akong himuon ani Atty? Unta imo kong matabangan niining akong suliran kay wala ko’y kwarta mokuha og abogado ug pang-file og kaso sa korte. Magpasalamat ko daan sa imong advice kanako.

God bless you, Atty. Bulang.

 

Robert
Bayugan City

**************************************

Dear Robert:

Good news kanimo. Ang sayop sa spelling sa mga entries sa imong birth certificate, lakip na ang sayop nga entry sa imong gender, dali na lang kaayo utrohon pinaagi sa pag-file og petition sa opisina sa lokal nga civil registrar kung asa ka ma-rehistro.

Buot pasabot, dili na kinahanglan nga mokuha pa ka og abogado ug mag-file og petition sa korte kay ang civil registrar na mismo ang gitagaan og katungod sa pag-utro sa maong mga sayop. Pero, kinahanglan nimong mahibaloan nga typo error lang sa spelling ang pwede mautro sa civil registrar. Kung ang sayop sa imong birth certificate maka-apekto na sa citizenship, paternity o marriage, korte lang ang may gahum nga mopa-utro sa maong sayop.

Alang sa imong dugang kasayuran, bisitahi lang ang loal nga civil registrar kung asa marehistro ang imong pagkatawo aron imong mahibaloan ang uban pang mga detalye mahitungod niini.

Kini nga opinyon legal base lang kini sa imong gisaysay. Pwede pa kini mautro kung aduna pay laing detalye nga madugang.

Hinaut unta natubag nako imong pangutana.

 

Atty. Oliver C. Bulang

 

Editor’s Note: “Balaod Alang Sa Tanan, Dili Sa Pipila Lang” is a weekly column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte. If you need answers to your legal queries, concerns and questions, send them to atty.oliver_bulang@yahoo.com.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP