LEGAL CORNER: Ancestral House: Can you keep it forever?

Dear Atty. Bulang:

Salamat daan sa imong tabang Atty. Mangayo lang unta mi og tambag. Ang among ginikanan patay na. Lima (5) mi ka magsoon. Kay patay na man lagi ang among ginikanan, nagkasabot mi nga kining balay ug yuta nga ilang gibilin amo untang i-preserved as our ancestral house.

Gusto namo nga kini mahimo namong bakasyonanan if ever mo-desisyon mi nga manguli sa among lugar. Kasagaran sa amo sa lagyong dapit na nagpuyo. Sayang man gud ni kay naa ni sya sentimental value sa amo kay dugo ug singot ang puhunan ani sa among ginikanan.

Naa mi napangutana nga kaila. Ingon niya pwede ra kuno mahimo ni nga ancestral house hangtud kanus-a gusto namo kay katungod kuno namo ni. Sakto ba ni siya, attorney?

Hinaut unta imo ming matambagan kay gusto namo magpabilin ning among balay kay mao ra ni kabtangan nga gibilin sa among ginikanan.
Daghan salamat ug God bless you.

Avelino
Tandag City

**************************************

Dear Avelino:

Unang-una, kay kamong lima (5) ka magsoon co-owners anang balay ug luna nga gibilin sa inyong ginikinan, pwede gyud kaayo nga himoon ninyo nga ancestral house kana nga balay kay katungod kana ninyo as co-owners.

Pero gikinahanglan nga uyunan kini sa inyong tanan lima (5) ka magsoon pinaagi sa paghimo og usa ka kasabutan nga pagapirmahan sa tanan. Pwede mo magsabot magsoon nga dili ninyo kini ibaligya o bahinon kay kini adunay sentimental value sa inyo isip kabilin sa inyong ginikanan, apan, kini nga kasabutan valid lang sa sulod sa napulo (10) ka tuig, subject to renewal kung uyunan sa tanan nimong magsoon.

Subay sa atong New Civil Code of the Philippines:

“Art. 494. No co-owner shall be obliged to remain in the co-ownership. Each co-owner may demand at any time the partition of the thing owned in common, insofar as his share is concerned.

Nevertheless, an agreement to keep the thing undivided for a certain period of time, not exceeding 10 years, shall be valid. This term may be extended by a new agreement.”

Kini nga opinyong legal base lang kini sa imong gisaysay. Pwede pa kini mautro kung aduna pa’y laing detalye nga madugang.

Hinaut unta natubag nako imong pangutana.

Atty. Oliver C. Bulang

 

Editor’s Note: “Balaod Alang Sa Tanan, Dili Sa Pipila Lang” is a weekly column of Atty. Oliver C. Bulang. A practicing lawyer, he is also an incumbent City Councilor of Cabadbaran City, Agusan del Norte. If you need answers to your legal queries, concerns and questions, send them to atty.oliver_bulang@yahoo.com.

  •  
  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *


TOP