Lagnada justifies crackdown on street vendors

By Angel F. Gaviola

Lagnada: E-relocate nato sa usa ka lugar ang mga street vendors para dili samok , para malimpyo atong siyudad.

Kabahin sa city cleanup and tourism promotion agenda sa administration Lagnada ang gikasang crackdown batok naghitak street vendors sa mga nag-unang sidewalks sa Butuan.

Segun ni Butuan Mayor Ronnievic “RCL” Lagnada, wala siya’y lain tumong sa gikasang kampanya kun dili mahinlo ug mapahan-ay ang kilid sa mga kadalalanan nga puno sa presensya’s illegal street vendors nga sarang nakadisturbo’s flow sa katawhan ug sakyanan.

Pina-agi niini, ingon ni Lagnada, mahimong malimpyo ang siyudad ug daghan nang turista ang ma-agning o ma-attract mobisita sa dakbayan nga dako unyang ma-abag sa lokal nga ekonomiya.

Sayang ang tourism potential ug opurtunidad sa Butuan isip regional capital sa Caraga, diin tinuig nga bisitahaon sa halos usa ka milyon turista, sumala pa ni Lagnada.

“Usahay, dili sab ko masabtan sa mga tawo kay ang ato man gud gusto mo-attract og mga turista, parehas anang 1 milyon ka turista moabot dinhe sa Caraga kada tuig. Unya , magsuroy suroy dinhe nga hugaw dili na ganahan moanhi dire,” sulti ni Lagnada.

“Mohapit lang sa Butuan mga 20 percent lang, mogasto na sila og P2,500 ka adlaw diba so kaduha ka adlaw dinhe, so naay P5 billion a year nga mosulod sa kwarta dinhe sa Butuan. Ang ato nga kaning 20 percent makuha na nato, matulog dinhe kay ganahan sila, so mao na atong objective,” dugang ni Lagnada.

Butyag pa sa opisyal, laraw niya karon mag-develop og mga tourism spots sa Butuan, sama sa usa ka riverside and entertainment park sa Agusan river, mountain eco-parks sa Mt. Mayapay ug Barangay Anticala aron mamahimong alegre ang siyudad nga sagad dugokon og turista.

“Modevelop sab ta og mga tourism areas, like kanang sa Agusan River gisugdan naman namo ni Cong. Fortun, kita mo anang ubos sa tulay nagsugod na himuon nato og park ug entertainment kay wala tay entertainment area dire. Ang mga tourist gud moadto og mga area nga naay lingaw-lingaw. Diba makakita mo wala gyud ta, mingaw ta inig ka gabie, isa pod na,” matod sa mayor.

  • 88
  •  
  •  
  •  
    88
    Shares
  •  
    88
    Shares
  • 88
  •  
  •  

Leave a Reply

Your email address will not be published. Required fields are marked *


TOP