Kadagkoan sa nasud Bougainville mibisita’s minahan sa SRMI

Isip nailhan sa kinatibukang nasud ang pagkaresponsable sa matang sa pagmina ang SR Metals, Incorporated nga kasamtangang nagmina sa Tubay, Agusan del Norte, mibisita si Raymond Masono, ang Bise Presidente sa nasud Bougainville sa kontinenteng Ocenia kauban ang iyang anak nga si Absalom Masono adlaw’ng Huwebes, Hulyo 27, 2017.

Gilibot sa mag-amahan ang kinatibuk-ang minahan gikan sa aktwal nga operasyon, reforestation ug rehabilitation hangtod sa komunidad.

Diri iyang napamatud-an ang sinsero ang naasoy’ng kompanya sa pagpanday sa kalambuan sa komunidad ug pag-amuma sa kinaiyahan samtang nagpahigayon sa pagmina.

“The purpose of our visit here is to find out best practices of SRMI which we can implement or replicate in our mining operation,” saysay ni Masono.

Dugang pa usab sa maong opisyal, usa sila ka biktima sa walay klaro nga pagmina nga gipahigayon sa mga foreigners o langyaw sa ilang lugar tungod kay wala kini saktong benepisyong gihatag sa katawhan ug kinaiyahan sa panahon nga gitugutan nila kining magmina sa maong nasud.

Busa , dako karon ang pasalamat sa maong opisyal tungod mamahimo na kining magamit ang dakong kahibalo sa pagpahamtang og maayong tamdanan sa mga nagmina sa nasud sa Bougainville.

Kahinumduman sa niaging bulan, mibisita usab ang mga local leaders sa maong nasud sa susamang tumong.

Sumala usab ni Jun Belen, ang tenement manager sa SRMI, ikapasigarbo niini ang pagbisita sa mga langyaw nga buot mo-pahigayon og educational tour aron usab mamahimo silang makakuha og maayong mgapagtulun-an isip usa man ka ISO 14001 o Environmental Management System ang maong kompanya, diin nagpasundayag kini og “world class” nga sumbanan sa responsableng pagmina. Ni JD

  • 33
  •  
  •  
  •  
    33
    Shares
  •  
    33
    Shares
  • 33
  •  
  •  

Leave a Reply

Your email address will not be published. Required fields are marked *


TOP